გუშინ უეფა-ს სადისციპლინო კომიტეტმა "ბარსელონას" საჩივარი განიხილა და ჟოზე მოურინიო ჩემპიონთა ლიგის პირველი ნახევარფინალური მატჩის შემდეგ გამონათქვამებისთვის მკაცრად დასაჯა - 5-მატჩიანი დისკვალიფიკაცია მიუსაჯა. მოურინიომ სამი წლის განმავლობაში უნდა მოიხადოს ეს სასჯელი. პორტუგალიელი მწვრთნელი საპასუხო მატჩში უკვე აკლდა გუნდს და, თუ მას "რეალში" დატოვებენ - გაისად ლიგის ჯგუფური ეტაპის 6-დან 4 მატჩის გამოტოვება მოუწევს.
გუშინ "რეალის" ოფიციალურ საიტზე გამოქვეყნდა განცხადება, რომ კლუბი აუცილებლად გაასაჩივრებს ამ გადაწყვეტილებას. მანამდე "სამეფო კლუბმა" უეფა-ს კიდევ ერთი გადაწყვეტილება გაასაჩივრა, "რეალს" უარი უთხრეს "ბარსელონას" წინააღმდეგ შეტანილი სარჩელის
მოკლედ, ჟოზეს გამონათქვამებმა კლუბი დიდ ხათაბალაში გახვია, ისევე როგორც თავად "განსაკუთრებული".
