"ვილიარეალის" თავდამსხმელმა ჯუზეპე როსიმ "ბარსელონაში" გადაბარგებისკენ თავისი ნაბიჯი გადადგა. მოგეხსენებათ, კატალონიელები 24 წლის იტალიელი ფეხბურთელისადმი ინტერესს იჩენენ და თავის მხრივ როსიც მზადაა, თავის მომავალ კარიერაზე გადაწყვეტილება მიიღოს. "ბარსელონა" მსოფლიოში საუკეთესო კლუბია, - განაცხადა როსიმ. - ნებისმიერ ფეხბურთელს სურს ამ გუნდში თამაში და გამონაკლისი არც მე ვარ. იმედი მაქვს, ერთ დღეს მეც მექნება შანსი ამ გუნდთან ერთად ისეთ მატჩში ვითამაშო, როგორიც ამ შაბათსაა დაგეგმილი. ამ მიზნის მისაღწევად თავს არ ვზოგავ და მუხლჩაუხრელი ვშრომობ".
