"ჰამბურგის" თავდამსხმელი რუდ ვან ნისტელროი მალაგაში ადგილობრივ კლუბთან კონტრაქტის გასაფორმებლად ჩავიდა. დღეს ჰოლანდიელი ესპანეთში პირადი თვითმფრინავით როტერდამიდან ჩაფრინდა.უახლოეს ხანში ვან ნისტელროი სამედიცინო გამოკვლევას გაივლის, რის შემდეგაც "მალაგასთან" კონტრაქტს გააფორმებს. მოსალოდნელია, რომ ხელშეკრულების გაფორმების შესახებ დღეს საღამოს გახდება ცნობილი.
გასულ სეზონში ვან ნისტელროიმ გერმანიის ჩემპიონატში 25 მატჩი ჩაატარა და 7 გოლი გაიტანა.
მომზადებულია AS-ის მიხედვით
