ესპანეთში ამ კვირის მთავარ ტრანსფერს დღე-დღეზე პრიმერა დივიზიონში დაბრუნებული "ერკულესი" განახორციელებს. ესპანური და გერმანული წყაროების თანახმად დორტმუნდის "ბორუსია" და ალიკანტეს "ერკულესი" ყველა პრინციპულ საკითხზე შეთანხმდნენ - 3,5 მილიონი ევროს (4 მილიონი "კიკერის" ვერსიით) სანაცვლოდ 26 წლის პარაგვაელი ფორვარდი ნელსონ ვალდესი 2012 წლამდე ესპანეთში გააგორებს ბურთს. ვალდესი 2001 წლიდან გერმანულ ბუნდესლიგაში თამაშობს, თავიდან ის ბრემენის "ვერდერის" ღირსებას იცავდა, 2006 წელს კი 4,7 მილიონ ევროდ "ბორუსიაში" გადავიდა, სადაც მისი კარიერა ვერ აეწყო. ჯამში ვალდესს ბუნდესლიგის 193 მატჩში 36 გოლი აქვს გატანილი. ვალდესის
ვალდესს დაასწრო 25 წლის რუმინელმა მცველმა კრისტიან პულჰაკმა, რომელიც გუშინ გახდა "ერკულესის" წევრი. შემტევი სტილის მარცხენა მცველთან საიჯარო ხელშეკრულება გაფორმდა, ისე კი პულჰაკი 2002 წლიდან ბუქარესტის "დინამოს" წევრია. მოკლედ, პრიმერაში დაბრუნებულ ალიკანტეელებს უმაღლეს დივიზიონში ფეხის მოკიდება სურთ. "ერკულესს" სეზონის ბოლოს რუმინელი ლეგიონერის გამოსყიდვის ექსკლუზიური უფლება ექნებათ.
ურუგვაელმა გოლკიპერმა გუსტავო მუნუამ ესპანეთში კლუბი შეიცვალა, 32 წლის მეკარე თავისუფალი აგენტის სტატუსით "მალაგადან" პრიმერაში ახალდაბრუნებულ "ლევანტეში" გადავიდა. მუნუა ევროპაში 2003 წელს მოხვდა, როცა "დეპორტივომ" ის მონტევიდეოს "ნასიონალიდან" შეიძინა. 6 სეზონის განმავლობაში ვერ შDეძლო მუნუამ ლაკორუნიელთა რიგებში პირველი მეკარის სტატუსის მოპოვება, მას ჯერ ხოსე მოლინა სჯობდა, შემდეგ - დუდუ ავატე. შარშან მუნუა "მალაგაში" გადავიდა და... 38-ივე მატჩში ანდალუსიელთა კარში ის იდგა.
ესპანური ტრანსფერები
(3 აგვისტოდან დღემდე)
- ფეხბურთელი საიდან სად თანხა
ჯონათან სესმა ვალიადოლიდი კორდობა თავ. აგენტი
კრისტიან პულჰაკი (რუმ) დინამო ბ (რუმ) ერკულესი იჯარა
დიეგო გოდინი (ურუ) ვილიარეალი ატლეტიკო 8 მლნ. ევრო
ხორხე მოლინო ატლეტიკო მურსია იჯარა
სედრიკ მაბვატი (კონ) ატლეტიკო ნუმანსია თავ. აგენტი
ხაუმე კოსტა კადისი ვილიარეალი თავ. აგენტი
ბრუნო პერონე (ბრა) ფიგუირენსე (ბრა) ხერესი იჯარა
გუსტავო მუნუა (ურუ) მალაგა ლევანტე თავ. აგენტი
ნიკოლას ბერტოლო (არგ) პალერმო (იტ) სარაგოსა იჯარა
აბრამ მინერო სანტ ანდრეუ ბარსელონა B თავ. აგენტი
კრისტიან ტელო ესპანიოლი ბარსელონა B თავ. აგენტი
ნელსონ ვალდესი (პარ) დორტმუნი (გერ) ერკულესი 3,5 მლნ. ევრო
ალვარო დელ მორალი ლევანტე ლოგრონიესი თავ. აგენტი
