Audi Cup-ის ფინალში "ბაიერნის" წინააღმდეგ გამართულ შეხვედრაში კატალონიური "ბარსელონას" ახალგაზრდა ფეხბურთელმა ტიაგო ალკანტარამ შესანიშნავად ითამაშა და პეპ გვარდიოლას მოწონებაც დაიმსახურა. "ტიაგო განსაკუთრებული ფეხბურთელია. მას ბევრის მიღწევა შეუძლია და ძალიან გვახარებს, რომ ტიაგო "ბარსელონას" აღზრდილია", - განაცხადა ესპანური კლუბის მწვრთნელმა.
თუმცა გაცემული ავანსების მიხედვით გვარდიოლა არ ჩქარობს ალკანტარას გუნდის ძირითად შემადგენლობაში შეყვანას.
"ტიაგო ის ფეხბურთელია, რომელიც პირველ გუნდს წაადგება. წინ გრძელი სეზონი გველის და ყველას ექნება თავის გამოჩენის შანსი და ძირითად შემადგენლობაში ადგილის დაკავების შესაძლებლობა", - განაცხადა გვარდიოლამ.
მომზადებულია Goal.com- მიხედვით
