წუხელ "ჩელსის" პორტუგალიელი ცენტრალური მცველი რიკარდო კარვალიო მადრიდის "რეალში" გადავიდა. 32 წლის მცველმა ახლა პერსონალური კონტრაქტი უნდა შეათანხმოს "სამეფო კლუბთან" და სამედიცინო შემოწმება გაიაროს. "ჩელსი" ადასტურებს, რომ კლუბი შეუთანხმდა მადრიდის "რეალს" რიკარდო კარვალიოს ტრანსფერზე. ახლა ჯერი პერსონალურ კონტრაქტზე და სამედიცინო ტესტზეა. "ჩელსი" მადლობას უხდის რიკის ლონდონში გატარებული 6 სეზონის გამო და წარმატებას უსურვებს მას მომავალ კარიერაში", - ვკითხულობთ ლონდონური კლუბის ოფიციალურ საიტზე. ოფიციალურად არ გახმაურებულა, თუმცა ესპანური მედია ტრასნფერის ოდენობად 8 მილიონ ევროს ასახელებს.
