რეალი (სასტარტო შემადგენლობა): ადანი – რამოსი, ვარანი, ალბიოლი, მარსელო – კოენტრაუ, გრანერო, სამი ხედირა, კაკა - ხოსე კალეხონი, ბენზემაგოლები: კალეხონი 0:1 (45), ბენზემა 0:2 (61), დაიერი 1:2 (90)
მადრიდის "რეალმა" შაბათს "ლესტერ სიტი" ამხანაგურ შეხვედრაში დაამარცხა. მატჩის საუკეთესო ფეხბურთელი კარიმ ბენზემა იყო. მან თავისი გუნდის ორივე გოლში მიიღო მონაწილეობა. პირველ შემთხვევაში ყველაფერი მოულოდელად მოხდა, ინგლისელებმა ბურთი დაკარგეს, ბენზემა მეკარესთან ერთი ერთზე დარჩა და საჯარიმოს კიდესთან გამოსული კიპერი მოატყუა კიდეც. დაინახა რა, რომ ორი ფეხბურთელი დაზღვევაზე იყო წამოსული, მარჯვენა მხარეს
"რეალის" ბანაკში ბუნებრივია სხვა საინტერესო ამბებიც ხდება. მაგალითად, "ასის" ინფორმაციით, ამ დღეებში ნეიმარს თავად ფლორენტინო პერესი და ჟოზე მოურინიო შეეხმიანენ, რათა ახალგაზრდა თავდამსხმელი ტრანსფერზე დაითანხმონ. როგორც ჩანს, "განსაკუთრებული" მისი სამსახურით ძალიან დაინტერსებულია, რადგან, როგორც წესი, თავად სატრანსფერო საქმეებში მონაწილეობისგან თავს იკავებს ხოლმე.
ამ დღეებში "სანტიაგო ბერნაბეუს" ემანუელ ადებაიორი ესტუმრა. ვიზიტს მოჰყვა ჭორები, რომ ტოგოელი ისევ შეიძლებოდა დაბრუნებოდა "რეალს" და ისევ იჯარით. მოურინიომ მსგავსი პერსპექტივა არ გამორიცხა. თუმცა განაცხადა, რომ ამ ეტაპზე ეს მხოლოდ და მხოლოდ მეგობრული ვიზიტი იყო: "ის ერთ-ერთი ჩვენგანი იყო ბოლო 6 თვის განმავლობაში. მართალია წავიდა, მაგრამ გულის ნაწილი აქ დატოვა. ემანუელი ძალიან უყვართ მის მეგობრებს. მან დაგვირეკა და გვთხოვა, რომ ერთი დღით სტუმრობა სურდა. პასუხზე ბუნებივია წამითაც არ გვიყოყმანია. დაბრუნდება თუ არა ის ჩვენთან? რა გითხრათ? ამაზე საბოლოო პასუხი მხოლოდ 31 აგვისტოს მექნება".
"მარკა" წერს, რომ საბოლოოდ გამოჯანმრთელდა და ძირითად გუნდთან ერთად განაგრძო მზადება თურქმა ნური შაჰინმა, ვინც მუხლის მყესები ამერიკული ტურნეს დროს დაიჭიმა. 22 წლის ნახევარმცველის დებიუტს "რეალში" მოუთმენლად ელიან.
"რეალის" ფრანგი ლეგიონერი კარიმ ბენზემა არაჩვეულებრივ ფორმაშია, რაც მან "ლესტერთანაც" დაამტკიცა, როცა მინდორზე "დაფრინავდა". ჟურნალისტებმა შენიშნეს რომ კარიმი საოცრად შეთხელებულია. როგორც აღმოჩნდა, მან კლუბის სპორტული დირექტორის, მასავით მარსელში დაბადებული და გაზრდილი ზინედინ ზიდანის რჩევა გაითვალისწინა და იტალიაში ქალაქ მერანოს სპორტულ კლინიკას ესტუმრა, სადაც მას სპეციალური დიეტა შეურჩიეს. შედეგად ფრანგმა 89-დან 82 კილოზე ჩამოსვლა მოახერხა. "უკვე 12 წელია ამ კლინიკის მუდმივი კლიენტი ვარ. სამკურნალოდ მხოლოდ იქ დავდივარ. დიეტა, მასაჟი, ნორმირებული ფიზიკური დატვირთვები საშუალებას მაძლევს ორგანიზმიდან მაქსიმალურად განვდევნო ტოქსინები. კარიმსაც ეს კლინიკა სწორედ ამიტომ ვურჩიე" – განუცხადა ზიდანმა ჟურნალისტებს.
ყოველდღიური სპორტული გაზეთი "ლელო"
