გუშინდელი საღამოს ვარჯიშის დაწყების წინ კრიშტიანუ რონალდომ კარსმომდგარ სუპერთასის მატჩების შესახებ, გუნდის "ბარსელონასთან" ბრძოლის მზადყოფნაზე, "რეალის" ახალწვეულებსა და ჩინეთში შეკრების შთაბეჭდილებებზე ისაუბრა."მოგება ყოველთვის მნიშვნელოვანია, მაგრამ ჯერჯერობით მთელი ყურადღება მომზადებაზე გვაქვს გადატანილი. რა თქმა უნდა, "ბარსასთან" მატჩს ოპტიმალურ ფორმაში შევხვდებით. ამჟამად ყოველდღიური ვარჯიშებით ვართ დაკავებული", - აღნიშნა რონალდომ.
დღევანდელი "რეალის" შარშანდელთან შედარებისას, რონალდომ განაცხადა, რომ დასკვნების გაკეთება ჯერჯერობით ადრეა.
"ამის შესახებ საუბარი მხოლოდ ახალი სეზონის დაწყების შემდეგ იქნება შესაძლებელი. გუნდი ამ ზაფხულს შესანიშნავმა ფეხბურთელებმა გააძლიერეს. სეზონი ძალიან გრძელია, წინ ბევრი
პრესასთან ურთიერთობისას კრიშტიანომ დელიკატურ კითხვებზე პასუხებს თავი აარიდა. პორტუგალიელმა არ უპასუხა ისეთ კითხვებს, როგორიცაა ახალი ფორვარდის შეძენა ("ეს პრეზიდენტს უნდა ჰკითხოთ"), ასევე ევროპული ოქროს ბურთისთვის მესისთან და ჩავისთან ბრძოლა ("ჯერჯერობით ეს არ მაღელვებს").
"მიუხედავად იმისა, რომ მომავალი მატჩი უბრალოდ მზადებაა, გამარჯვების მოპოვებას მაინც ვეცდებით. ასეთი თამაშები სეზონის დასაწყისისთვის აუცილებელი ტემპის აკრებაში გვეხმარება. ვეცდებით კარგად ვითამაშოთ და ოფიციალური სეზონის დასაწყისს ოპტიმალურ ფორმაში შევხვდეთ", - აღნიშნა კრიშტიანომ კლუბ "გუანჩჟოუ ევერგრანდესთან" ოთხშაბათს გასამართი მატჩის წინ.
მომზადებულია realmadrid.ru-ს მიხედვით
