"რეალის" თავდამსხმელმა კრიშტიანუ რონალდომ "ბარსელონასთან" ესპანეთის სუპერთასის პირველი მატჩის შემდეგ იმედი გამოთქვა, რომ მის გუნდს კატალონიის დედაქალაქში გამარჯვება შეუძლია. შეგახსენებთ, რომ საპასუხო შეხვედრა 17 აგვისტოს გაიმართება.
"ოთხშაბათს გახსნილი თამაში იქნება, მაგრამ ჩვენ დარწმუნებულნი ვართ, რომ გამარჯვება შეგვიძლია. დღევანდელი ფრეს გამო უნდა გვრცხვენოდეს. ჩვენ "ბარსელონაზე" უკეთ ვთამაშობდით და გატანის მეტი შანსი გვქონდა. მოგება შეგვეძლო.
მიმაჩნია, რომ მსაჯს პენალტი უნდა დაენიშნა, როდესაც საჯარიმოში წავიქეცი, მაგრამ მის გადაწყვეტილებას პატივი უნდა ვცეთ", - განაცხადა კრიშტიანო რონალდომ.
