თქვენს წინაშეა ესპანური პრიმერის დებიუტანტი "გრანადა", ამას გრანადელები 35 წლის განმავლობაში ელოდნენ. გუნდის სახელოვან წარსულზე ლეგენდები დადიოდა, უკვე თითქმის არავის სჯეროდა, რომ ეს კლუბი ელიტაში დაბრუნდებოდა. თუმცა ორმა კაცმა ერთობ მოიწადინა და ქალაქელებს ოცნება აუხდათ - ესენი არიან "გრანადას" პრეზიდენტი ენრიკე პინა და ვიცე-პრეზიდენტი ხუან კარლოს კორდერო.ესპანურ-იტალური ალიანსი
2009 წელს კლუბი რანგით მესამე დივიზიონ, სეგუნდა ბ-ში გამოდიოდა და გაკოტრების პირას იდგა და აქ ესპანელებს მხარში აპენინელები ამოუდგნენ, გუნდთან თანამშრომლობა იტალიურმა "უდინეზემ" გადაწყვიტა და... ორ წელიწადში "გრანადა" ელიტაში აღმოჩნდა.
ახლა
ანდალუსიელებს ევროპის ჩემპიონ დანიელ გუისას შეძენა სურდათ, მაგრამ ისინი ფინანსურმა შეჭირვებამ დააღალატა. არადა, კლუბის პრეზიდენტი პინა გუისას ახლო მეგობარი და მისი წარმომადგენელია, მაგრამ "ხეტაფემ" ფორვარდს გაცილებით კარგი პირობები შესთავაზა, ცალკე როლი იმანაც ითამაშა, რომ "ხეტაფე" დედაქალაქის წარმომადგენელია.
ციტატები
ალან ნიომი: "ამ სეზონში, ეჭვიც კი არ მეპარება, სტადიონი მუდამ სავსე იქნება. ჩვენ მათ მხარდაჭერას კარგად ვგრძნობთ - ყველაფერი კარგად იქნება".
კარლოს კორდერო: "ჩვენ ერთი ძალიან კარგი ფეხბურთელი შევიძინეთ - იოან მოლო, მას ხომ ფრანგ კრიშტიანო რონალდოს უწოდებენ".
სეზონის ამოცანა - პრიმერაში დარჩენა
აი, რას წერს ერთ-ერთი ადგილობრივი ჟურნალისტი: "ფაბრიმ, მიუხედავად ჩვენი ეჭვებისა, მიზანს მიაღწია და ახლა მორალური უფლებაც კი არ გვაქვს, მას მეტი მოვთხოვოთ". მოკლედ, ქალაქში გუნდის ლიგაში დარჩენას დიდ წარმატებად შეაფასებენ.
ამასვე ამბობს თავად მწვრთნელი: "პრიმერაში დარჩენა დიდებული შედეგი იქნება. ჩვენი მთავარი მიზანი გრანდებთან მებრძოლი, კონკურენტუნარიანი გუნდის შექმნაა. ამისთვის კი დისციპლინის დაცვა და ბევრი შრომაა საჭირო", - განაცხადა ფაბრი გონსალესმა.
ტრანსფერები
მივიდნენ: იკეჩი ანია ("სელტა", თავ. აგენტი), დავიდ კორტესი ("ერკულესი", თავ. აგენტი), ნოე პამარო ("ერკულესი", თავ. აგენტი), იოან მოლო ("მონაკო", 1 მლნ.), ფრან რიკო ("რეალი ბ", 1 მლნ.), გილერმე სიკეირა ("უდინეზე", იჯარა), ჟორჟე რიბეირო ("ბენფიკა"), ჰასან იებდა ("ბენფიკა"), კარლუშ მარტინში ("ბენფიკა"), ხაიმე რომერო ("უდინეზე", იჯარა), ჟულიო სეზარი ("ბენფიკა").
წავიდნენ: კოლანტესი, გრანადა, ო. პერესი, ბარანკოსი, კრუსი, მურილიო, ბენიტესი, გეიხო, კალვო, ორელანა, ხუანდე.
დოსიე
გრანადა კლუბ დე ფუტბოლი
დაარსდა: 1931 წ.
სტადიონი: ლოს კარმენესი, 16 212
პრეზიდენტი: კიკე პინა
მწვრთნელი: ფაბრი გონსალესი
კლუბის წევრი: 10 100
17 სეზონი პრიმერაში
მეტსახელი: ელ გრანა, ფილიპინოსი
გასულ სეზონში: მე-5 ადგილი სეგუნდადივიზიონში, გამარჯვება პლეი ოფში
ოფიციალური საიტი: www.granadcf.es
ყველაზე მეტი თამაში 2010/11: ა. გომესი (45), რობერტო (44), რიკო (44), ნიომი (43), ბენიტესი (40).
ყველაზე მეტი გოლი 2010/11: გეიხო (24), ბენიტესი (10), ორელანა (8), კოლანტესი (6), იგჰალო (5).
გუნდი 2011/12
მეკარეები
1. ხოსე ხუან გარსია 31.12.1979
13. რობერტო ფერნანდესი 25.01.1979
25. ჟულიო სეზარი (ბრაზილია) 02.09.1986
30. რაფა მარტინესი 11.11.1986
მცველები
2. ალან-რომეო ნიომი (საფრანგეთი) 10.05.1988
3. ჟორჟე რიბეირო 09.11.1981
4. ნოე პამარო 14.04.1979
5. დიეგო მაინს გარსია 29.12.1982
12. ინიგო ლოპესი 23.07.1982
18. მანუელ ლუსენა 18.11.1982
21. დავიდ კორტესი 29.08.1979
ნახევარმცველები
6. ფრან რიკო 03.08.1987
8. იოან მოლო (საფრანგეთი) 18.07.1989
10. კარლუშ მარტინში (პორტუგალია) 29.04.1982
11. დანი ბენიტესი 07.04.1987
14. მიკელ რიკო 01.11.1984
15. გილერმე სიკეირა (ბრაზილია) 28.04.1986
20. ხაიმე რომერო 31.07.1990
23. აბელ გომესი 20.02.1982
გოკუ 01.04.1990
აბდულ აზიზ ტეტე (განა) 25.05.1990
ჰასან იებდა (ალჟირი) 14.05.1984
თავდამსხმელები
7. ოდიონ იგჰალო (ნიგერია) 16.06.1989
რენსფორდ ოსეი (განა) 05.12.1990
იკეჩი ანია (შოტლანდია) 31.01.1988
ყოველდღიური სპორტული გაზეთი "ლელო"
