აგუეროს გარეშე

მადრიდის "ატლეტიკოში" დიდი რყევებია, გუნდი ძველმა სახეებმა დატოვეს და ახლები მოვიდნენ. აღარ იქნებიან დიეგო ფორლანი და დავიდ დე ხეა, თუმცა მთავარი, რაც "ატლეტიკომ" უნდა გააკეთოს - სერხიო აგუეროს გარეშე გოლების გატანა და გამარჯვება უნდა ისწავლოს.

მწვრთნელობიდან გადადგომის წინ კიკე სანჩეს ფლორესმა განაცხადა, რომ მძიმე ჩემპიონატი გამოიარეს და რომ გუნდს შეუძლია იამაყოს მიღწეულით. თუმცა საამაყოც ბევრი არაფერია - გუნდმა შეპირებული ლიგის საგზურის მოპოვება ვერ შეძლო და ჩემპიონატი მე-7 ადგილზე დაასრულა. ამიტომაც ფლორესს კარისკენ მიუთითეს, თუმცა ეს საკმაოდ სამართლიანად გააკეთეს, მწვრთნელს სეზონის შუაში დაუსვეს საკითხი - მე-4 ადგილს დაიკავებ და კლუბში დარჩები, არადა, წახვალო - მწვრთნელიც დათანხმდა.

მისია არ შესრულდა და ფლორესი გრეგორიო მანსანომ შეცვალა. შეიცვალა მთელი "ატლეტიკოც". გუნდიდან წავიდნენ ის ფეხბურთელები, რომლებსაც მოტივაცია აღარ ჰქონდათ მადრიდულ კლუბში თამაშის და მოვიდნენ ახლები, თანაც საკმაოდ ამბიციურები. ასე რომ, ნუ ჩამოვწერთ "ატლეტიკოს".

კუნის გარეშე მაინც გაჭირდება, არგენტინელი ალბათ ფერნანდო ტორესის შემდეგ ყველაზე მნიშვნელოვანი ფეხბურთელი იყო ბოლო წლების "ატლეტიკოსი". თუმცა მის შემცვლელად შეგულებულ რადამელ ფალკაოზე საკმაოდ მაღალი აზრისა ვართ. "ატლეტიკოს" დანიელ ოსვალდოს შეძენაც სურდა, თუმცა "რომამ" არგენტინელში 15 მილიონი ევრო გადაიხადა და მადრიდელებს ფორვარდი "ცხვირწინ" ააცალა.

მანსანო ჯერაც ძიებაშია, არ იცის, რა სქემით ათამაშოს გუნდი - ჯერ 4-3-3 სისტემაზე გადაეწყო, ბოლო თამაშებში კი "ატლეტიკოსთვის" ჩვეულ კლასიკურ განლაგებას, 4-4-2-ს დაუბრუნდა.

ციტატები
გაბი: "ძალიან იმედიანად ვარ განწყობილი. ჩემთვის, "ატლეტიკო" ესპანეთის საუკეთესო კლუბია".
არდა თურანი: "ატლეტიკოს" შეუძლია "რეალისა" და "ბარსელონას" დონეს მიაღწიოს, თუმცა ჯერჯერობით მე-4 ადგილზე ჩემპიონატის დასრულებაც კარგი იქნება. თუმცა ოცნება მეტზეც შეიძლება, ვიდრე ჩემპიონთა ლიგის უბრალო საგზურზე".

სეზონის ამოცანა - ჩემპიონთა ლიგის საგზურის მოპოვება
მანსანო რეალისტია, ის ამბობს, რომ ოცნება ბევრ რამეზე შეიძლება, თუმცა არსებობს ობიექტური რეალობა, რომელსაც ვერსად გაექცევი. და მაინც, ჩვენ გვგონია, რომ "ატლეტიკოს" შარშანდელზე უკეთესი შედეგის მიღწევა შეუძლია. მთავარია, გუნდმა ისწავლოს აგუეროს გარეშე თამაში...

ტრანსფერები
მივიდნენ: მირანდა ("სან პაულუ", თავ. აგენტი), ადრიან ლოპესი ("დეპორტივო", თავ. აგენტი), ტიაგო ("იუვენტუსი", თავ. აგენტი), სილვიო ("ბრაგა", 8 მლნ. ევრო), რუბენ მიკაელი ("პორტუ", 5 მლნ.), ფალკაო ("პორტუ", 40 მლნ.), გაბი ("სარაგოსა", 3 მლნ.), არდა თურანი ("გალათასარაი", 12 მლნ.), ხორხე პულიდო ("ატლეტიკო ბ"), ბორხა გონსალესი ("ატლეტიკო ბ"), ტიბო კურტუა ("ჩელსი", თავ. აგენტი), დანი პაჩეკო ("ლივერპული", იჯარა), პიცი ("ბრაგა"), ლეანდრო კაბრერა ("უელვა"), სერხიო ასენხო ("მალაგა").
წავიდნენ: ელიასი, აგუერო, დე ხეა, უიფალუში, ბალდე, ვალერა, ფორლანი, რაულ გარსია, რუბენ მიკაელი, მერიდა.

დოსიე
კლუბ ატლეტიკო დე მადრიდ

დაარსდა: 1903 წ.
სტადიონი: ვისენტე კალდერონი, 54 851
პრეზიდენტი: ენრიკე სერესო
მწვრთნელი: გრეგორიო მანსანო
კლუბის წევრი: 48 900
9-გზის ჩემპიონი, 9-გზის თასის მფლობელი, ევროპალიგის გამარჯვებული (2010), უეფას თასი (1962), უეფას სუპერთასი (2010), ინტერტოტოს თასი (2007), საკონტინენტთაშორისო თასი (1974)
მეტსახელი: კოლჩონეროსი, როხიბლანკოსი, ინდიოსი
გასულ სეზონში: მე-7 ადგილი
ოფიციალური საიტი: ჰტტპ://წწწ.ცლუბატლეტიცოდემადრიდ.ცომ/

ყველაზე მეტი თამაში 2010/11: დე ხეა (38), რეიესი (34), აგუერო (32), ფორლანი (32), უიფალუში (32).
ყველაზე მეტი გოლი 2010/11: აგუერო (20), ფორლანი (8), დ. კოშტა (6), რეიესი (6), ტიაგო (4).

გუნდი 2011/12
მეკარეები
1. ხოელ რობლესი 17.06.1990
13. ტიბო კურტუა (ბელგია) 11.05.1992
25. სერხიო ასენხო 28.06.1989

მცველები
2. დიეგო გოდინი (ურუგვაი) 16.02.1986
3. ანტონიო ლოპესი 13.09.1981
6. ფელიპე ლუიშ კასმირსკი (ბრაზილია) 09.08.1985
17. სილვიო მანუელ აზევედო (პორტუგალია) 28.09.1987
18. ალვარო დომინგესი 15.05.1989
21. ლუის პერეა (კოლუმბია) 30.01.1979
24. ჟოაო მირანდა (ბრაზილია) 07.09.1984
26. ხორხე პულიდო 08.04.1991

ნახევარმცველები
4. მარიო სუარესი 24.02.1987
5. ტიაგო მენდეში (პორტუგალია) 02.05.1981
8. ედუარდო სალვიო (არგენტინა) 13.07.1990
11. არდა თურანი (თურქეთი) 30.01.1987
12. პაულო ასუნსაო (ბრაზილია) 25.01.1980
14. გაბი ფერნანდესი 10.07.1983
20. ხუანფრან ტორესი 09.01.1985
23. ხორხე მელოდიო კოკე 08.01.1992

თავდამსხმელები
7. ადრიან ლოპესი 08.01.1988
9. რადამელ ფალკაო (კოლუმბია) 10.02.1986
10. ხოსე ანტონიო რეიესი 01.09.1983
29. ბორხა გონსალესი 25.08.1992
22. დიეგო კოშტა (ბრაზილია) 07.10.1988
პიცი (პორტუგალია) 06.10.1989

ყოველდღიური სპორტული გაზეთი "ლელო"