ესპანეთის ნაკრების ნახევარმცველმა სესკ ფაბრეგასმა ჩილეს ეროვნულ გუნდთან ამხანაგური მატჩის (3:2) შემდეგ განაცხადა, რომ გამარჯვებამ ძალიან გაახარა და საკუთარი თამაშითაც კმაყოფილია. ამ შეხვედრაში "ბარსელონას" ახალწვეულმა დუბლი გაიფორმა.
"გამარჯვება ყოველთვის ძალიან მნიშვნელოვანია. კარგა ხანია, თავი ასე ბედნიერად არ მიგრძვნია. თუმცა უნდა ვაღიარო, რომ ამ მატჩის საბოლოო ანგარიში არა ჩემი, არამედ ანდრეს ინიესტას დამსახურებაა. სწორედ მან შეცვალა მატჩის ბედი. ანდრესმა უბადლოდ ითამაშა და საგოლე პასი გამიკეთა", - განაცხადა ფაბრეგასმა.
მომზადებულია AS-ის მიხედვით
