"რეალის" 33 წლის პორტუგალიელი მცველი რიკარდო კარვალიო ამ ბოლო ხანებში სკანდალში გაეხვა (რაც მის კარიერაში უკიდურესად იშვიათად ხდება), ის "დეზერტირობისთვის" ერთი წლით მოკვეთეს. სამაგიეროდ, მას ყველაფერი კარგად აქვს კლუბში. რიკარდო "რეალ ტვ-ის" სტუმარი იყო...- თქვენ "რეალში" ყველაზე გამოცდილი ფეხბურთელი ხართ, ჟოზე მოურინიოს წინადადებას კი სიხარულით დათანხმდით, რას გრძნობდით მაშინ?
- ყველაზე გამოცდილი კი არა, ყველაზე ბებერი ვარ. როცა გავიგე, რომ კლუბი ჩემით დაინტერესდა, ძალიან გამიხარდა. "ჩელსიში" 6 დიდებული წელიწადი გავატარე, ამის შემდეგ მსოფლიოს საუკეთესო კლუბში გადასვლა სულაც საოცნებო რამ
- თქვენ სულ თან დაყვებით მოურინიოს, პორტუგალიაში, ინგლისში, ახლა ესპანეთშიც. როგორ დაგეხმარათ ის საფეხბურთო კარიერაში?
- ყოველდღიურად ყოველ დეტალს აქცევს ყურადღებას და ეს საქმე არ სწყინდება. მას სურს, რომ ყოველდღიურად მოუმატო, გაიზარდო, როგორც ფეხბურთელი. ძალიან ამაყი ვარ, რომ მოურინიოსთან, ამდენი ხანია, მიწევს მუშაობა.
- რა არის მოურინიოს წარმატების საიდუმლო?
- ის ძალიან ბევრს მუშაობს. ის ისე იქცევა, რომ შეცდომებს უბრალოდ არ დაუშვებ. თუკი დაუჯერებ, აუცილებლად გაიზრდები, როგორც ფეხბურთელი.
- თქვენი კარიერით კმაყოფილი ხართ?
- უსათუოდ. ადრე "პორტუში" თამაში იყო ჩემი ოცნების მწვერვალი, მას მერე უცხოეთშიც ძალიან ბევრს მივაღწიე, ახლა მსოფლიოს საუკეთესო კლუბში ვარ.
- "რეალი" ერთ-ერთი ყველაზე ახალგაზრდული გუნდია, ხშირად იღებენ ბიჭები თქვენგან რჩევებს?
- ჩვენ ძალიან ნიჭიერი ბიჭები გვყავს, მათ ყველაფერი გამოუვათ. ყოველთვის ვცდილობ, დავეხმარო რჩევებით.
ყოველდღიური სპორტული გაზეთი "ლელო"
