გუშინ ესპანეთის ნაკრების თავკაცმა ვისენტე დელ ბოსკემ ნაკრების ის შემადგენლობა დაასახელა, რომელსაც ევრო-2012-ის შესარჩევ ეტაპზე, ჩეხეთისა და შოტლანდიის ნაკრებთან მატჩებში დაეყრდნობა. 7 ოქტომბერს "ფურია როხა" პრაღას ეწვევა, 11 ოქტომბერს კი, დასკვნით მატჩში, მსოფლიოს ჩემპიონი ალიკანტეში უმასპინძლებს ბრიტანულ გუნდს. შემადგენლობაში 23 ფეხბურთელია და მხოლოდ ერთია დებიუტანტი - ხორდი ალბა.დელ ბოსკე ჯერაც ხოან კაპდევილას შემცვლელის ძიებაშია, ახლა ყურადღება მან "ვალენსიას" მარცხენაფლანგელს მიაქცია - თუმცა უნდა ითქვას, რომ ალბა "ვალენსიაში" უფრო შემტევი ფლანგელია. ბევრს ეგონა, რადგან ესპანეთის ნაკრებმა უკვე მოიპოვა პოლონეთ-უკრაინის საგზური,
ხორდი ალბა 22 წლის კატალონიელია და "ბარსელონას" აღზრდილია. 2006 წლიდან ის "ვალენსიაშია", ლა ლიგაში დებიუტი კი 2009 წელს ჰქონდა.
მეკარეები: იკერ კასილიასი (რეალი), პეპე რეინა (ლივერპული), ვიქტორ ვალდესი (ბარსელონა).
მცველები: სერხიო რამოსი, ალვარო არბელოა, რაულ ალბიოლი (ყველა რეალი), კარლეს პუიოლი, ჟერარდ პიკე (ყველა ბარსელონა), ხორდი ალბა (ვალენსია).
ნახევარმცველები: სერხიო ბუსკეტსი, სესკ ფაბრეგასი, ჩავი ერნანდესი, ტიაგო ალკანტარა (ყველა ბარსელონა), ჩაბი ალონსო (რეალი), ხავი მარტინესი (ბილბაო), სანტი კასორლა (მალაგა).
თავდამსხმელები: პედრო როდრიგესი, დავიდ ვილია (ყველა ბარსელონა), დავიდ სილვა (მანჩესტერ სიტი), ფერნანდო ტორესი (ჩელსი), ალვარო ნეგრედო (სევილია), ფერნანდო ლორენტე (ბილბაო), ხუან მატა (ჩელსი).
ყოველდღიური სპორტული გაზეთი "ლელო"
