ლაუდრუპი ორ წყალშუა
ფოტო:ჩოგბურთელი რაფაელ ნადალი "მალიორკას" ფანი და შემწეა
რეალ კლუბ დეპორტივო მალიორკა
მხარე: ბალეარის კ-ები
დაარსდა: 1916 წ.
მწვრთნელი: მიქაელ ლაუდრუპი (46 წლ)
სტადიონი: ონო ესტადი (23 142)
გასულ სეზონში: მე-5
ტიტულები: ესპანეთის თასის მფლობელი, სუპერთასის მფლობელი.
საიტი: http://www.rcdmallorca.es/
ტრანსფერები
მივიდნენ: მიქაელ ლაუდრუპი (მწვრთნელი), ემილიო ნსუე (რეალ სოსიედადი), ჯონათან დე გუზმანი (ფეიენოორდი).
წავიდნენ: გრეგორიო მანსანო (მწვრთნელი), ბორხა ვალერო (ვესტ ბრომვიჩი), პაულო პესოლანო (ლივერპული, ურუგვაი), მარიო სუარესი (ატლეტიკო), არიც ადურისი (ვალენსია), ფელიპე მატიონი (ესპანიოლი), ფერნანდო ვარელა (კასიმფაშა), ხულიო ალვარესი (ტენერიფე), სისკო ერნანდესი (ელჩე).
რა გააკეთოს მიქაელ ლაუდრუპმა? კლუბს პერსპექტივა მის მოსვალმდე მოუსპეს - მართალია, მე-5 ადგილზე გასული "მალიორკა" გაკოტრებას გადაურჩა, მაგრამ ვერც ვარსკვლავები შეინარჩუნა, ვერც მწვრთნელი და შემდეგ უეფამ ევროპის ლიგის სიმწრით მოპოვებული საგზურიც ჩამოართვა და "ვილიარეალს" აჩუქა.
კლუბს განსაკუთრებით ბორხა ვალეროს, არიც ადურისისა და ფელიპე მატიონის გარეშე გაუჭირდება. ესენი ნამდვილი ლიდერები იყვნენ მოედანზე. ჰოლანდიელი ჯონათან დე გუზმანის გარდა ბალეარელებს არავინ უყიდიათ, ფორვარდი ნსუე იჯარით ჰყავდათ გასხვისებული და დაიბრუნეს. მოკლედ, "მალიორკას" ძალიან გაუჭირდება. ევროთასების საგზურისთვის ბრძოლას ვინ ჩივის და გაუჭირდება პრიმერაში ადგილის შენარჩუნება...
მალიორკა 2009/10: ავატე (38 თამაში), ლუქსი (1თ); მარტი (36თ, 1გ), კასტრო (35თ, 6გ), ადურისი (34თ, 12გ), სუარესი (34თ, 5გ), ნუნიესი (34თ, 4გ), ბ. ვალერო (33თ, 5გ), აიოსე (33თ), ვებო (31თ, 6გ), ხოსემი (28თ), ვიქტორი (27თ, 4გ), ალვარესი (26თ, 6გ), რამისი (26თ), კეიტა (23თ, 3გ), ფელიპე მატიონი (20თ, 1გ), რუბენ გონსალესი (19თ, 3გ), ვარელა (15თ), პესოლანო (12თ), ტუნი (9თ, 1გ), ბრუნო (9თ), ენრიკე (7თ), სერხი (1თ), ტომასი (1თ).
მალიორკა 2010/11 (სავარაუდო სასტარტო შემადგენლობა): ავატე - ენრიკე, ნუნიესი, რამისი, აიოსე - ოსკარი, დე გუზმანი, მარტი, კასტრო - ვებო, ნსუე.
ლელო
