მადრიდის "რეალის" თავდამსხმელმა გონსალო იგუაინმა ესპანეთის ჩემპიონატში "ვალენსიას" დამარცხების შემდეგ ემოციები არ დამალა.იგუაინმა ამჯერად გატანა ვერ მოახერხა, მაგრამ მატჩის ბოლო წუთებზე თავისი გუნდი გადაარჩინა, როდესაც ადურისის დარტყმას მკერდით გადაეღობა. "რეალმა" საბოლოოდ 3:2 მოიგო.
"რა თქმა უნდა, გატანა ყოველთვის მინდა. მაგრამ ძალიან ბედნიერი ვარ, რომ მეტოქეს ჩვენს კარში გოლის გატანაში ხელი შევუშალე. ბურთი მკერდზე მომხვდა და არა ხელში. მიხარია, რომ ბენზემამ ბრწყინვალე გოლი გაიტანა", - განაცხადა არგენტინელმა ფეხბურთელმა.
