ჯოჯოხეთიდან თავდაღწეულნი
რეალ სოსიედად დე ფუტბოლ
მხარე: ბასკთა ქვეყანა
დაარსდა: 1909 წ.
მწვრთნელი: მარტინ ლასარტე (49 წლ)
სტადიონი: ანოეტა (32 076)
გასულ სეზონში: 1-ელი (სეგუნდა)
ტიტულები: ორგზის ჩემპიონი, თასის ორგზის მფლობელი, სუპერთასის მფლობელი,
საიტი: http://www.realsociedad.com
მივიდნენ: ხოსება ლორენტე (ვილიარეალი), ფრანსისკო სუტილი (ეიბარი), რაულ ტამუდო (ესპანიოლი), დიეგო იფრანი (დანუბიო), ჯეფრი სარპონგი (აიაქსი).
წავიდნენ: ჯონათან ესტრადა (მილიონარიოსი), ემილიო ნსუე (მალიორკა), ფრანკ სონგოო (სარაგოსა), ასიერ რიესგო (ოსასუნა), კარლოს ბუენო (პენიაროლი), ინიგო სარასოლა (უნიონი), სერხიო როდრიგესი (კონტრაქტი დაუსრულდა), ტონიო რამირესი (ტრასნფერზეა).
ბასკურ კლუბს ჩემპიონატიც აქვს
ბასკურ გუნდს საკმაოდ ძლიერი შემადგენლობა ჰყავს, კაპიტანია ვეტერანი ნახევარმცველი მიკელ არანბურუ. რომ არა არანბურუს ძალზე სერიოზული ტრავმა, რის გამოც მან თითქმის ორი სეზონი გამოტოვა, "რეალ სოსიედადი" ალბათ არ გავარდებოდა (სხვათა შორის, პირველად კლუბის ისტორიაში). არანბურუმ თითქმის 400 ოფიციალური მატჩი ჩაატარა კლუბის მაისურით. ბასკთა გუნდის კარს "ელ კონდორი" კლაუდიო ბრავო იცავს, ჩილეს ნაკრების მეკარე, რომელმაც ყველას თავი მუნდიალზე საუცხოო თამაშით გაგვაცნო. მშობლიურ გუნდს დაუბრუნდა ფორვარდი ხოსება ლორენტე, "ესპანიოლის" ყოფილი კაპიტანი და ლიდერი რაულ ტამუდო. მართალია, კლუბი ბილბაოს "ატლეტიკის" მსგავსად ცდილობს ბასკებით დააკომპლექტოს შემადგენლობა, მაგრამ ბილბაოელთა დარი სიმკაცრე "ანოეტაზე" არაა, ამიტომაც გუნდში ოთხი ლეგიონერი მაინცაა: ფრანგი ანტონ გრიეზმანი, ურუგვაელი დიეგო ირფანი და ჩილელი კლაუდიო ბრავო, სამივეს ბასკური ფესვები აქვს. აი, ახალი შენაძენი შავკანიანი ჯეფრი სარპონგი ("აიაქსი") კი "ნამდვილი ლეგიონერია". ალბათ, "რეალ სოსიედადის" ისტორიაში ბოლო ორი წელიწადი ყველაზე შავბნელ ხანად დარჩება - ყოველ შემთხვევაში, წლეულს ამ კლუბს შესწევს ძალა ცხრილის შუაში დაიმკვიდროს ადგილი.
რეალ სოსიედადი 2009/10: ბრავო (25 თამაში), ზუბიკარაი (12თ), რიესგო (7თ); ანსოტეგუი (40თ, 4გ), გრიეზმანი (39თ, 6გ), გუტიერესი (37თ), არანბურუ (36თ, 2გ), ბუენო (35თ, 12გ), პრიეტო (35თ, 7გ), აგირეჩე (35თ, 6გ), გონსალესი (34თ, 1გ), ნსუე (33თ, 5გ), დე ლა ბელა (30თ, 1გ), ურკოლა (29თ, 1გ), ზურუტუზა (28თ, 4გ), ლაბაკა (25თ, 3გ), მარტინესი (23თ), ლარანიაგა (19თ), ესტრადა (18თ), ს. როდრიგესი (14თ), ჯონათანი (12თ), სონგოო (8თ), სარასოლა (4თ), ვიკერა (4თ), ესნაოლა (2თ), ილიარამენდი (1თ), ალბისტეკი (1თ).
რეალ სოსიედადი 2010/11 (სავარაუდო სასტარტო შემადგენლობა): ბრავო - მარტინესი, მ. გონსალესი, ანსოტეგუი, დე ლა ბელა - ზურუტუზა, არამბურუ, რივასი, სუტილი - პრიეტო - ლორენტე.
ფოტო: ხოსება ლორენტე ძველებურად შეუტევს "რეალ სოსიედადისთვის"
