მადრიდის "რეალის" 29 წლის ნახევარმცველმა კაკამ შესაძლოა გუნდი დატოვოს.როგორც გაირკვა, ბრაზილიელის გადაბირებით ლონდონის "ჩელსი" არის დაინტერესებული, რომელიც მზად არის ჰავბეკში 30 მილიონი სტერლინგი გადაიხადოს.
მიმდინარე სეზონში კაკამ ესპანეთის ჩემპიონატში 10 შეხვედრა ჩაატარა და ორი გოლი გაიტანა, ორ საგოლე პასთან ერთად. ჩემპიონთა ლიგაში მის ანგარიშზე ორ მატჩში ერთი გოლია.
შეგახსენებთ, რომ ბრაზილიელი ფეხბურთელი "რეალში" "მილანიდან" 2009 წელს გადავიდა. ტრანსფერის ფასმა 68.5 მილიონი ევრო შეადგინა, თუმცა ტრავმების გამო კაკამ "სამეფო კლუბის" ძირითად შემადგენლობაში ადგილის დამკვიდრება ვერ შეძლო.
მომზადებულია Daily Mirror-ის მიხედვით
