"ბარსელონას" ნახევარმცველმა სესკ ფაბრეგასმა ესპანურ გაზეთთან ინტერვიუში განაცხადა, რომ მისი გუნდი ყველაფერს გააკეთებს, რათა მადრიდის "რეალთან" სეზონის პირველ "კლასიკოში" გამარჯვება იზეიმოს. შეგახსენებთ, რომ ამ ორ გრანდს შორის შეხვედრა "სანტიაგო ბერნაბეუზე" 11 დეკემბერს გაიმართება.
"კარგად ვაცნობიერებთ, რომ ამ თამაშს ჩვენთვის უდიდესი მნიშვნელობა აქვს. "რეალი" მოედანზე თავს არ დაზოგავს, რათა გაიმარჯვოს. ყველაფერთან ერთად, მადრიდელებს მრავალრიცხოვანი ქომაგის მხარდაჭერაც ექნებათ.
ჩვენ საკუთარი ძალები უნდა ვირწმუნოთ, წინააღმდეგ შემთხვევაში, შესაძლოა არასახარბიელო შედეგი მივიღოთ. თუკი ამ თამაშში დავმარცხდებით, ჩვენი ამოცანა ეროვნულ ჩემპიონატში ძალიან გართულდება", - განაცხადა ფაბრეგასმა.
