ვილიარეალ კლუბ დე ფუტბოლ
მხარე: ვალენსია
დაარსდა: 1923 წ.
მწვრთნელი: ხუან კარლოს გარიდო (41 წლ)
სტადიონი: ელ მადრიგალი (25 000)
გასულ სეზონში: მე-7
ტიტულები: ინტერტოტოს თასის 2-გზის გამარჯვებული
საიტი: http://www.villarrealcf.es/
მივიდნენ: ჟოზი ალტიდორი (ჰალ სიტი), ბორხა ვალერო (ვესტ ბრომვიჩი), კარლოს მარჩენა (ვალენსია), კატალა, კრისტობალი, ხუან კარლოსი, მონტერო, მარკო რუბენი, მატილია, მუსაჩიო, ორიოლი (ყველა, ვილიარეალ ბ).
წავიდნენ: ივან მარკანო (ხეტაფე), ხოსება ლორენტე (რეალ სოსიედადი), დამიან ესკუდერო (ბოკა ხუნიორსი), დიეგო გოდინი (ატლეტიკო), ხავი ვენტა (ლევანტე), არიელ იბაგასა (კონტრაქტი დაუსრულდა),
უხსოვარ დროს ხაიმე კონკისტადორის მიერ დაარსებულ "სამეფო ქალაქის" (ვილია რეალ) 50-ათასიანი მოსახლეობის მთავარი სატრაბახო ადგილობრივი საფეხბურთო კლუბი "ვილიარეალია", პრიმერა დივიზიონის გუნდებში ყველაზე პატარა ქალაქის წარმომადგენელი. ამ მოკრძალებული ქალაქის გუნდმა 2006 წელს ჩემპიონთა ლიგის ნახევარფინალში გააღწია და ყველა აალაპარაკა. ქალაქი ვალენსიადან 65 კილომეტრშია ჩრდილოეთით.
სეზონს "ვილიარეალი" საჩუქრით იწყებს - წესით და რიგით ევროპის ლიგაზე "მალიორკას" უნდა ეთამაშა (მე-5 ადგილი), მაგრამ უეფამ ბალეარულ გუნდს ევროლიცენზია ჩამოართვა და "ელ სუბმარინოს" გადასცა.
"ვილიარეალმა" იმდენი კარგი ფეხბურთელი გაუშვა (პირესი, ესკუდერო, ლორენტე, იბაგასა), რომ ძნელია მომავალ სეზონში პროგრესზე იფიქრო, თუმცა ორი ძალიან კარგი შენაძენიც გაკეთდა, ახალ სეზონს ბორხა ვალერო "ვილიარეალში" გაატარებს, ისევე როგორც კარლოს მარჩენა. ვნახოთ, რა იქნება ახალ სეზონში, მთავარია "წყალქვეშა ნავმა" შარშანდელი ცუდი სტარტი არ გაიმეოროს, თორემ შემადგენლობა ისევ კარგი ჰყავს, თანაც ძალიან...
ვილიარეალი 2009/10: დ. ლოპესი (38 თამაში); კაპდევილა (37თ, 5გ), კანი (35თ, 2გ), როსი (34თ, 10გ), გოდინი (36თ, 3გ), ნილმარი (33თ, 11გ), სენა (30თ, 1გ), ბრუნო (33თ), ლორენტე (29თ, 9გ), პირესი (28თ, 2გ), კასორლა (24თ, 5გ), იბაგასა (24თ, 2გ), ა. ლოპესი (24თ, 1გ), ფუსტერი (22თ, 3გ), გონსალო როდრიგესი (21თ), ხ. ვენტა (18თ), მარკანო (16თ, 1გ), ეგურენი (14თ), ესკუდერო (13თ, 1გ), მუსაჩიო (7თ), ჯონათანი (6თ), მარკო რუბენი (4თ), კიკო (2თ), მატი (2თ), მარკოსი (1თ).
ვილიარეალი 2010/11 (სავარაუდო სასტარტო შემადგენლობა): დ. ლოპესი - ა. ლოპესი, გ. როდრიგესი, კაპდევილა - კასორლა, ბრუნო, სენა, ბ. ვალერო - ნილმარი, როსი.
ფოტო: ბორხა ვალერო, ვილიარეალის 25 წლის ახალწვეული
