ესპანური მედიის ცნობით, "სანტოსის" ბრაზილიელ ფორვარდ ნეიმარის "ბარსელონაში" გადასვლა პრაქტიკულად გადაწყვეტილია.როგორც ირკვევა, ფეხბურთელს საკუთარ კონტრაქტში მართლაც აქვს პუნქტი "ბარსელონას" მიერ გამოსყიდვის შესახებ. უფრო მეტიც, მსოფლიოს უძლიერეს კლუბთან ნეიმარის გარიგების საკითხი უკვე შეთანხმებულია: თავდამსხმელი ოთხწლიან კონტრაქტს გააფორმებს, ერთი წლით გაგრძელების შესაძლებლობით. ნეიმარი წელიწადში 7 მილიონ ევროს მიიღებს.
არსებობს ინფორმაცია, რომ ბოლო მომენტამდე "ბარსელონას" ნეიმარს "ჩელსი" ეცილებოდა, მაგრამ ბრაზილიურმა კლუბმა ლონდონელები უარით გაისტუმრა.
