მადრიდის "რეალის" ხელმძღვანელობა და სამწვრთნელო შტაბი ზამთრის სატრანსფერო ფანჯრის დროს ახალი შენაძენის გაკეთებას არ გეგმავს. სამაგიეროდ, საუბარია "სამეფო კლუბის" ორი ფეხბურთელის - ნახევარმცველ ესტებან გრანეროსა და მცველ რაულ ალბიოლის გასხვისებაზე. მართალია, "რეალის" თავკაცებს ამ მოთამაშეების გუნდში შენარჩუნება უფრო უნდათ, მაგრამ არ მალავენ, რომ ფინანსური თვალსაზრისით მომხიბვლელ წინადადებებს ყურადღებით განიხილავენ.
აღსანიშნავია, რომ ალბიოლისადმი დაინტერესებას "მანჩესტერ სიტი" იჩენს. რაც შეეხება გრანეროს, მისი გადაბირება "ბლექბერნ როვერსს" სურს.
