მადრიდის "რეალის" ნახევარმცველი, ანხელ დი მარია გარკვეული დრო მოედანზე ვერ გამოვა."სამეფო კლუბის" ბოლო ვარჯიშზე ფეხბურთელმა კუნთი დაიზიანა. როგორც გაირკვა, არგენტინელი ესპანეთის თასზე "მალაგასთან" მატჩს გამოტოვებს და ასევე პრიმერა დივიზიონის მე-18 ტურში "გრანადასთან" შეხვედრაში ვერ ითამაშებს.
შეგახსენებთ, რომ დი მარიამ ესპანეთის ჩემპიონატში 14 მატჩი ჩაატარა და 13 საგოლე გადაცემა გააკეთა.
მომზადებულია Sky Sports-ის მიხედვით
