მადრიდის "რეალის" თავდამსხმელმა გონსალო იგუაინმა "გრანადასთან" (5:1) მატჩის შემდეგ შეხვედრის ალოგიკურობაზე ისაუბრა. თავად არგენტინელმა ფორვარდმა შეხვედრაში ერთი გოლი გაიტანა."ეს საკმაოდ უცნაური მატჩი იყო. პირველ ტაიმში ბევრი წვალება მოგვიხდა, მეორე ტაიმის დასაწყისში მატჩის ბედი უკვე ჩვენს სასარგებლოდ იყო გადაწყვეტილი. ეროვნულ ჩემპიონატში ლიდერობას ვაგრძელებთ. ახლა უნდა დავისვენოთ და "მალაგასთან" ესპანეთის თასის საპასუხო 1/8 ფინალური მატჩისთვის მოვემზადოთ. მწვრთნელის გადაწყვეტილება იყო , რომ მე და ბენზემა მოედანზე ერთად გამოვედით, რამაც ვფიქრობ, გაამართლა კიდეც", - თქვა იგუაინმა.
