"რეალის" 25 წლის მცველისთვის სერხიო რამოსისთვის პრიმერა დივიზიონის მე-18 ტურში "გრანადასთან" მატჩი ესპანეთის ჩემპიონატში ჩატარებული 250-ე შეხვედრა გახდა. მადრიდელებმა "გრანადა" 5:1 დაამარცხეს, ხოლო რამოსმა 34-ე წუთზე გოლი გაიტანა.
"სამეფო კლუბის" მაისურით რამოსმა 211 მატჩი ჩაატარა, ხოლო დანარჩენი 39 "სევილიას" რიგებში ირჯებოდა. საერთო ჯამში ესპანეთის ჩემპიონატში ესპანელი მცველის ანგარიშზე 29 გოლია.
პრიმერაში ფეხბურთელის დებიუტი 2003/04 წლების სეზონში შედგა, სადაც "სევილია" სტუმრად "დეპორტივოსთან" 1:0 დამარცხდა.
