მადრიდის "რეალის" თავკაცმა ჟოზე მოურინიომ "ბარსელონასთან" შეხვედრა გააანალიზა. პორტუგალიელის შეგირდები საკუთარ მოედანზე 1:2 დამარცხდნენ."როდესაც გუნდი იმარჯვებს, გამარჯვების შემოქმედი ბევრია. როდესაც აგებს, დამნაშავე მხოლოდ მწვრთნელია. მაგრამ ეს ფეხბურთია. ჩემმა შემადგენლობამ გულშემატკივრებში გაკვირვება გამოიწვია. მათი მესმის, მაგრამ მე ჩემებურად ვიქცევი. შედეგზე პასუხისმგებელი ხომ მე ვარ.
ალტინტოპმა და კარვალიომ კარგად ითამაშეს. ისინი მოედანზე შიშის გარეშე გამოვიდნენ. სხვები კი, ვინც ჩვეულებრივ კარგად თამაშობს, დღეს მოწოდების სიმაღლეზე ვერ იდგნენ.
რაც შეეხება თამაშის ტაქტიკურ სურათს, არანაირად არ ველოდი, რომ მეორე ტაიმის დასაწყისში კუთხურიდან გოლს გავუშვებდი.
საპასუხო თამაშში "რეალის" შანსები მოურინიომ ასე შეაფასა:
"ბრძოლა გრძელდება, მაგრამ შემდეგ ეტაპზე გასვლა გართულდა, თუ არ ვიტყვით, რომ ძალიან გართულდა. ჩვენ ვამბობდით, რომ ესპანეთის ჩემპიონატი პრიორიტეტულია, თუმცა ჯერ არ მითქვამს, რომ თასის გათამაშებაში დავმარცხდით. "მალიორკასთან" მატჩი ამ თამაშზე მნიშვნელოვანი იყო".
ბარსას ბალეშიკი ვარ მაგრამ უკვე უინტერესო ხდება ელ კლასიკო სადაც დააფურტხეს იქ მოუგეს უკვე ზედმეტია რა ძაან დაამცირეს რეალი