მსოფლიოს ჩემპიონი ესპანეთის ნაკრები ევრო-2012 წლის საკვალიფიკაციო ბატალიებს 3 სექტემბერს ლიხტენშტეინის ნაკრებთან თამაშით იწყებს, ოთხ დღეში "ლა როხა" ამხანაგურად არგენტინას გაეჯიბრება. სწორედ ამ მატჩებისთვის ნაკრებს გამოცდილი მცველი კარლეს პუიოლი დააკლდა. პუიოლმა კოჭი ლა ლიგის I ტურში, "რასინგთან" მატჩის მოთელვაზე დაიზიანა და სამ კვირას იუქმებს. მის ნაცვლად ვისენტე დელ ბოსკემ ნაკრებში "ოსასუნას" ახალგაზრდა მცველი ნაჩო მონრეალი გამოიძახა. დელ ბოსკეს გადაადგილებები მოუწევს, რადგან მონრეალი მარცხენა მცველია და არა ცენტრალური. 24 წლის ნაჩო მონრეალს ეროვნულ ნაკრებში ორი მატჩი აქვს ჩატარებული.
ესპანეთის ნაკრებმა გუშინ
ესპანეთის ნაკრები ევრო 2012-ის I საკვალიფიკაციო ჯგუფშია შოტლანდიასთან, ჩეხეთთან, ლიტვასთან და ლიხტენშტეინთან ერთად.
