მადრიდის "რეალის" მცველი პეპე მიიჩნევს, რომ მისმა გუნდმა "ბარსელონასთან" ესპანეთის თასის საპასუხო მეოთხედფინალურ მატჩში ძალიან კარგად ითამაშა.შეხვედრა ფრედ 2:2 დასრულდა და ორი მატჩის ჯამში ნახევარფინალში კატალონიელები გავიდნენ.
"ჩვენ "რეალისთვის" ჩვეული მტკიცე სულისკვეთება წარმოვაჩინეთ. ამ თამაშში "ბარსელონას" ბევრად ვჯობდით.
მხოლოდ ფეხბურთზე მსურს საუბარი და მინდა ვთქვა, რომ ჩვენი თამაშით ვამაყობთ. იგივე შეიძლება ითქვას ჩვენს გულშემატკივრებზეც", - განაცხადა პორტუგალიელმა ფეხბურთელმა.
