მადრიდის "ატლეტიკოს" ბრაზილიელი შემტევი ნახევარმცველი დიეგო თითქმის ერთი თვით გამოაკლდა. დიეგომ კუნთი ასტურიაში "სპორტინგთან" მატჩში (1:1) დაიზიანა და შესაცვლელი გახდა. სამწუხაროდ, ექიმთა დასკვნა იმაზე მკაცრი გამოდგა, ვიდრე პირველი შთაბეჭდილებით ეგონათ - კრეატიული ბრაზილიელი 4 კვირა ვერ ითამაშებს.
"ფიზიკურ ტკივილზე უარესი სულიერია - ახლა "ატლეტიკოს" ძალიან მნიშვნელოვანი მატჩები ელის ევროსარბიელზე და ლა ლიგაში", - დაწერა "ტვიტერზე" 26 წლის ფეხბურთელმა.
ყოველდღიური სპორტული გაზეთი "ლელო"
