პოპულარობა ძალიან ძვირი უჯდება "რეალის" გოლეადორ კრიშტიანო რონალდოს - ხშირია მედიაში თავდამსხმები მის მიმართ, მათ შორის კოლეგებისგანაც. 22 თებერვალს სანტანდერის "რასინგის" მცველის, დომინგო სისმას "გამოსვლის" ჯერი იყო. 30 წლის ანდალუსიელმა 27 წლის პორტუგალიელს სულ ამპარტავანი და "ლუზერი" უძახა.
საქმე იმაშია, რომ "რეალისა" და "რასინგის" სეზონის პირველი დაპირისპირების შემდეგ, რონალდომ სისმას ხელი არ ჩამოართვა: "სრულიად უმიზეზოდ მან ჩემი მისალმება უყურადღებოდ დატოვა.
ეს არის ფეხბურთელი, რომელსაც არ შესწევს უნარი წაგება კაცურად მიიღოს. როცა ჩვენი გუნდები ერთი კვირის წინ "სანტიაგო ბერნაბეუზე" კვლავ შეხვდნენ,
პირველ დაპირისპირებაში, როცა "რასინგს" ექტორ კუპერი წვრთნიდა, კანტაბრიულმა გუნდმა ორი ქულა დააკარგვინა მადრიდულს (0:0), "სანტიაგო ბერნაბეუზე" კი "რეალმა" 4:0 მოიგო და პირველი გოლი სწორედ რონალდომ გაიტანა.
ყოველდღიური სპორტული გაზეთი "ლელო"
