პრიმერადივიზიონის "სარაგოსამ" ორ ფეხბურთელს გაუწყვიტა კონტრაქტი. ხორვატი მცველი მარკო ბაბიჩი და კამერუნელი ნახევარმცველი ფრანკ სონგოო ამიერიდან არაგონული კლუბის წევრები არ არიან. "ლოს ბლანკილოსის" ხელმძღვანელობას ამ ფეხბურთელთა გასხვისება სურდა, მაგრამ სატრანსფერო ფანჯარა ისე დაიხურა, ვერ შეძლო მათი დაბინავება. "სარაგოსა" მზად იყო სონგოო და ბაბიჩი იჯარითაც დაეთმო, მაგრამ ვერც ეს ვარიანტი განხორციელდა. კლუბმა ორმხრივი შეთანხმების საფუძველზე მათ მოქმედი კონტრაქტები გაუწყვიტა და ახლა ისინი თავისუფალი აგენტები არიან.
ფრანკ სონგოო 23 წლისაა, ის ცნობილი კამერუნელი გოლკიპერის, ჟაკ სონგოოს ვაჟია. ფრანკი ფეხბურთელად "ბარსელონას" ახალგაზრდულ გუნდებში
მარკო ბაბიჩი 29 წლისაა, ის შარშან "ჰერტადან" გადავიდა "სარაგოსაში" და ორწლიანი კონტრაქტი გააფორმა. ხორვატიის ნაკრებში მას 49 მატჩი აქვს ჩატარებული და 3 გოლი აქვს გატანილი. "ორივე მხარისთვის მისაღებ გადაწყვეტილებად ამ ორ ფეხბურთელთან კონტრაქტების გაწყვეტა მივიჩნიეთ. დღეიდან მათ ნებისმიერ კლუბთან შეუძლიათ მოლაპარაკების დაწყება", - იუწყება არაგონელთა ოფიციალური საიტი.
ლელო
