მადრიდის "რეალის" ნახევარმცველმა კაკამ გუნდის თავკაცი ჟოზე მოურინიო შეაქო.ბრაზილიელმა ფეხბურთელმა აღნიშნა, რომ პორტუგალიელ მწვრთნელს ძალიან ძლიერ სპეციალისტად მიიჩნევს.
"ეჭვგარეშეა, მოურინიო ერთ-ერთი საუკეთესო სპეციალისტია, ვისი ხელმძღვანელობითაც ოდესმე მიმუშავია.
ყველა მწვრთნელისგან რაღაცას ვსწავლობდი. მოურინიოსგანაც ბევრს ვსწავლობ.
რაც შეეხება ჩვენს გუნდს, უნდა აღინიშნოს, რომ დიდ ტურნირებს 11 ფეხბურთელით ან 2 ვარსკვლავით ვერ მოიგებ. ეს 15-18 მოთამაშის ძალისხმევით მიიღწევა", - განაცხადა კაკამ.
