"ესპანიოლს" სურს, ბრაზილიელი ფილიპე კოუტინიო იჯარის ვადის გასვლის მერეც შეინარჩუნოს. "ესპანიოლის" დირექტორი რამონ პლანიესი ამბობს, რომ კოუტინიო გუნდს მომავალ სეზონშიც დასჭირდება. შეგახსენებთ, რომ 19 წლის ბრაზილიელი შემტევი მილანის "ინტერის" საკუთრებაა" და სეზონის ბოლომდე იჯარით თამაშობს ბარსელონურ კლუბში. ტექნიკურმა გარემარბმა, რომელიც "ინტერში" დაიჩაგრა, ლა ლიგაში თავი გამოიჩინა და "ესპანიოლის" ერთ-ერთი ლიდერი გახდა.
"ჩვენ გვსურს კოუტინიოს შენარჩუნება. რა თქმა უნდა, საამისოდ "ინტერთან" რთული მოლაპარაკება გველის, მაგრამ შეუძლებელიც არაფერია", - აცხადებს "ესპანიოლის" დირექტორი.
ჩავი მსაჯებს არ აბრალებს
"ბარსელონას" ნახევარმცველმა ჩავი ერნანდესმა აღიარა, რომ
კატალონიაში ბევრი მიიჩნევს, რომ "რეალს" ხშირად ეხმარებიან მსაჯები და სწორედ ამის გამო ლიდერობს "სამეფო კლუბი": "ჩვენ კლუბში არ ვლაპარაკობთ მსაჯობაზე. გვირჩევნია, თვითკრიტიკით შემოვიფარგლოთ - "რეალი" იმიტომ გვისწრებს 10 ქულით, რომ წლეულს "ბარსელონა" ისე კარგად ვერ თამაშობს, როგორც გასულ სეზონებში", - განაცხადა ჩავიმ.
ყოველდღიური სპორტული გაზეთი "ლელო"
