მადრიდის "რეალის" გოლკიპერმა იკერ კასილიასმა თანაგუნდელი კრიშტიანო რონალდო შეაქო. კასილიასის თქმით, მას ასეთი ძლიერი ფეხბურთელი არასდროს უნახავს.
"გულწრფელად უნდა ვაღიარო, რომ აქამდე არასდროს მინახავს ისეთი ძლიერი ფეხბურთელი, როგორიც რონალდოა. ის მაოცებს, მისი სტატისტიკა კი უბრალოდ დაუჯერებელია. მან ისეთი კლასის ფეხბურთელსაც კი აჯობა, როგორიც ბრაზილიელი რონალდოა.
არასდროს მიფიქრია, რომ ასეთი სწრაფი ფეხბურთელი იმ როლის საკუთარ თავზე აღებას შეძლებდა, რომელსაც ის მადრიდის "რეალში" ასრულებს.
ვიმედოვნებ, რომ ის ევროპის ჩემპიონატზე ასე კარგად ვერ ითამაშებს. უკიდურეს შემთხვევაში, ესპანეთის ნაკრების წინააღმდეგ მაინც", - თქვა კასილიასმა.
