ესპანეთის ჩემპიონატის 28-ე ტურის მატჩი მადრიდის "რეალის" ესპანელი მცველისთვის, სერხიო რამოსისთვის საიუბილეო გამოდგა."ვილიარეალთან" (1:1) შეხვედრა რამოსისთვის "სამეფო კლუბის" რიგებში ჩატარებული რიგით მე-300 მატჩია.
გარდა ამისა, ესპანელმა ფეხბურთელმა არცთუ სასიამოვნო რეკორდიც დაამყარა. "რეალის" ისტორიაში რამოსი მოედნიდან ყველაზე მეტჯერ გააძევეს. "ვილიარეალთან" მატჩში მან მე-11 წითელი ბარათი მიიღო და ამ მხრივ თავისი კლუბის რეკორდსმენი გახდა.
შეგახსენებთ, რომ სერხიო რამოსი "რეალში" 2006 წლიდან თამაშობს. ამ ხნის განმავლობაში მან 36 გოლი გაიტანა.
მომზადებულია realmadrid.com-ის მიხედვით
