ლა ლიგის დასრულებამდე 10 ტურით ადრე ჩემპიონატს ინტრიგა დაუბრუნდა - მთავარ კითხვას, ვინ გახდება ჩემპიონი, ერთმნიშვნელოვნად ვეღარ პასუხობენ - "რეალი" 6 ქულით წინ არის, მაგრამ ჩემპიონის სასარგებლოდ "კამპ ნოუზე" გასამართავი კლასიკო (აპრილში) და "ბარსას" შედარებით იოლი კალენდარი მეტყველებს. თუმცა ხოსეპ გვარდიოლა მაინც მიიჩნევს, რომ მისი გუნდი ჩემპიონობისთვის ბრძოლაში აუტსაიდერია: "რა თქმა უნდა, 6 ქულა 10 ქულა არ არის, თუმცა "რეალის" უპირატესობა მაინც შესამჩნევია. მართალია, მათ ზედიზედ ორი ფრე ითამაშეს, მაგრამ ასე ხომ არ გააგრძელებენ?
როგორც წესი, "რეალი" ლა ლიგაში იგებს
სხვათა შორის, გვარდიოლამ თავი აირიდა "ვილიარეალისა" და "რეალის" მატჩის მსაჯობის შეფასებისგან - "რეალის" ბევრი მატჩი ვნახე, მაგრამ ეს არა, მხოლოდ ანგარიში შევიტყვეო.
ამას სიკვდილი, იმას შეწყალება
ამასობაში გაიმართა სადისციპლინო კომიტეტის სხდომა, სადაც "რეალის" ფეხბურთელებს და მწვრთნელებს სასჯელი განუსაზღვრეს, ზოგს დაუმძიმეს, ზოგიც შეიწყალეს. სერხიო რამოსს წითელი ბარათი გაუუქმდა და მას დღეს "რეალ სოსიედადთან" თამაშის უფლება მიეცა. სამაგიეროდ, 2-მატჩიანი დისკვალიფიკაციით დასაჯეს პეპე და ჟოზე მოურინიოს ასისტენტი რუი ფარია. თავად მოურინიოს, ისევე, როგორც მესუთ იოზილს - ერთმატჩიანი დისკვალიფიკაცია აკმარეს.
"რეალ სოსიედადთან" მატჩს დისკვალიფიკაციის გამო ლასანა დიარაც გამოტოვებს, მას 5 ყვითელი ბარათი დაუგროვდა.
სავარაუდოდ, ფაბიო კოენტრაოსაც მიეცემა თამაშის საშუალება, რომელიც "რეალის" ოფიციალური ინფორმაციის თანახმად, ტექნიკური მიზეზების გამო ვერ ვიხილეთ "ვილიარეალთან" მატჩში. ესპანური მედია კი ამტკიცებდა, რომ ის მოურინიომ დაბადების დღის აღნიშვნისას დისციპლინის დარღვევისთვის ("მარკამ" ფეხბურთელის ფოტო გამოაქვეყნა, სადაც კოენტრაო სიგარეტს ეწევა) დასაჯა.
ბასკებს არ ეყოლებათ გორკა ელუსტონდო, რომელმაც "ლევანტესთან" მატჩში წითელი ბარათი მიიღო, ყვითლები დაუგროვდა და "სანტიაგო ბერნაბეუზე" ვერ ვიხილავთ დანი ესტრადას. კარლოს მარტინესი და მარკელ ბერგარა ტრავმირებულები არიან. ბასკებს ძალიან გაუჭირდებათ სტუმრად 4-მატჩიანი წაგებათა სერიის შეწყვეტა.
დიდი ხვრელი დაცვაში
"ბარსელონა" ბალეარის კუნძულებზე მიდის, დღეს "ბლაუგრანა" "მალიორკას" გამოცდის. მასპინძლებს დისკვალიფიკაციამოხდილი ტრიო უბრუნდება: ივან რამისი, მიშელ პერეირა, ჩორი კასტრო. სამივე "მალიორკას" ლიდერია. ახლა მხოლოდ ერთი ფეხბურთელია დისკვალიფიცირებული - პედრო ბიგასი.
"ბარსელონამ" 1-2 კვირით ადრიანო დაკარგა, რის გამოც გუნდს დაცვის მარცხენა ფლანგზე სერიოზული საკადრო პრობლემა შეექმნა. დაცვაში მართლაც რთულად აქვს საქმე პეპს - დანი ალვეში და ხავიერ მასკერანო დისკვალიფიკაციის გამო ტოვებენ თამაშს. ჯანმრთელი განაპირა მცველი ჩემპიონს უბრალოდ არ ჰყავს.
ესპანეთი. ლა ლიგა. XXIX ტური
24 მარტი
მალიორკა-ბარსელონა 21:00
დისკვალიფიკაცია: ბიგასი - დანი ალვეში, მასკერანო
ტრავმა: ოგუნჯიმი, ტეხერა - ვილია, ფონტასი, აბიდალი, აფელაი, ადრიანო
რეალი-სოსიედადი 23:00
დისკვალიფიკაცია: იოზილი, პეპე - ესტრადა, ელუსტონდო
ტრავმა: კარვალიო, დი მარია, ალბიოლი - მარტინესი, ბერგარა
ხეტაფე-ვალენსია 01:00
დისკვალიფიკაცია: კოსტა (ვალ)
ტრავმა: პედრო ლეონი, ლოპო, უსტარი, ბარადა, ლოპესი - ბანეგა, კანალესი, ალკასერი, კოშტა, მიგელი
25 მარტი
სარაგოსა-ატლეტიკო 14:00
დისკვალიფიკაცია: რუბენ მიკაელი, პოშტიგა (სარ)
ტრავმა: და სილვა, ლაკრუსი - ტიაგო, სილვიო, ლოპესი, დიეგო
ესპანიოლი-მალაგა 18:00
დისკვალიფიკაცია: ვერდიუ (ესპ)
ტრავმა: ალვარესი, მატიონი, სანჩესი, ს. გარსია - ბაპტიშტა, როსარიო, ხუანმი, ტულალანი
ლევანტე-ოსასუნა 18:00
დისკვალიფიკაცია: ვალდო (ლევ)
ტრავმა: ხუანლუ - სოლა, ლოლო, იბრაჰიმა, მასუდი, სერხიო
ბილბაო-სპორტინგი 20:00
დისკვალიფიკაცია: ირაოლა (ბილბ)
ტრავმა: ოსიო, მარტინესი, ლორენტე, კასტილიო, გურპეგი - სუარესი, გრეგორი
ბეტისი-რასინგი 21:45
დისკვალიფიკაცია: ფრანსისი, გულონი (რას)
ტრავმა: უსტარიცი, მარიო, სერხიო - აკოსტა, ტონიო
ვალეკანო-ვილიარეალი 21:45
დისკვალიფიკაცია: მარჩენა (ვილ)
ტრავმა: მიჩელი, ლაბაკა - კატალა, ვალერო, როსი
26 მარტი
გრანადა-სევილია 23:00
ტრავმა: რობერტო, დიახატე, რომერო, რიკო, იებდა - სპაჰიჩი
სატურნირო ცხრილი
ა თ მ ფ წ ბ ქ
1. რეალი 28 23 3 2 90-25 72
2. ბარსელონა 28 20 6 2 82-22 66
3. ვალენსია 28 13 8 7 44-33 47
4. ლევანტე 28 13 5 10 41-38 44
5. მალაგა 28 13 5 10 42-40 44
6. ესპანიოლი 28 11 7 10 36-37 40
7. ოსასუნა 28 9 13 6 32-41 40
8. ატლეტიკო 28 10 9 9 39-34 39
9. ბილბაო 28 9 10 9 43-39 37
10. ვალეკანო 28 11 4 13 42-47 37
11. მალიორკა 28 9 9 10 31-35 36
12. სევილია 28 9 9 10 30-31 36
13. ხეტაფე 28 9 9 10 28-35 36
14. სოსიედადი 28 9 6 13 31-40 33
15. ბეტისი 28 9 4 15 32-42 31
16. გრანადა 28 9 4 15 27-43 31
17. ვილიარეალი 28 6 10 12 28-42 28
18. რასინგი 28 4 12 12 22-43 24
19. სპორტინგი 28 6 6 16 27-53 24
20. სარაგოსა 28 5 7 16 24-51 22
ყოველდღიური სპორტული გაზეთი "ლელო"
