"ბარსელონას" მთავარმა მწვრთნელმა პეპ გვარდიოლამ "მალიორკასთან" (2:0) თავისი გუნდის მატჩს დამაკმაყოფილებელი უწოდა. კატალონიელებმა მეტოქის კარში ორი უპასუხო გოლის გატანა მოახერხეს."ძალიან მნიშვნელოვან გამარჯვებას მივაღწიეთ. "მილანთან" მატჩის წინ ეს გამარჯვება მით უფრო მნიშვნელოვანია. უნდა ითქვას, რომ ტიაგო ალკანტარას გაძევებამ შეხვედრის მსვლელობა შეცვალა.
ხოაკინ კაპაროსის ყველა გუნდი კარგი მომზადებით და დაცვაში სოლიდური თამაშით გამოირჩევა. მატჩის დებიუტში გაგვიჭირდა, მოედნის საფარიც უხეირო იყო. გატანილი გოლის შემდეგ კი თამაშს მთლიანად ვაკონტროლებდით", - თქვა გვარდიოლამ.
