"რეალსა" და "ბარსელონას" შორის "სიტყვების ომში" კატალონიური გუნდის პრეზიდენტი სანდრო როსელიც ჩაება. როსელმა კრიშტიანო რონალდო და ჟოზე მოურინიო ცუდ კონტექსტში მოიხსენია. პრეზიდენტი ბარსელონაში ინსტიტუტო დე ქიმიკა დე სარიაში იმყოფებოდა სტუდენტებთან შეხვედრაზე.
სწორედ იქ განაცხადა მან, რომ კრიშტიანო რონალდო "ბარსელონაში" მე-12 ფეხბურთელი იქნებოდა, რადგან კატალონიური გრანდის 11-ივე სასტარტო ფეხბურთელი პორტუგალიელზე უკეთესია.
აი, რა თქვა მან მოურინიოს შესახებ: "მე არასოდეს მივიღებდი მწვრთნელს, რომელსაც გამარჯვების მოპოვება ყველა ხერხით სურს. მე ეგრევე ბოდიშს მოვიხდიდი, ჩემს მწვრთნელს ვინმესთვის თვალში თითი რომ ეტაკებინა".
ყოველდღიური სპორტული გაზეთი
