დღეს
სპორტინგი-ვალენსია 20:00
ლევანტე-რეალი 22:00
ბილბაო-ბარსელონა 00:00
ხვალ
ესპანიოლი-ოსასუნა 19:00
დეპორტივო-ალმერია 19:00
მალიორკა-რეალ სოსიედადი 19:00
რასინგი-ხეტაფე 19:00
ერკულესი-სევილია 21:00
ატლეტიკო-სარაგოსა 23:00
მალაგა-ვილიარეალი 23:00
პრიმერამ მე-5 ტურამდე ორი ლიდერით მიაღწია - ჟოზე მოურინიოს "რეალმა" და უნაი ემერის "ვალენსიამ" 10-10 ქულა მოაგროვეს, თუმცა მოურინიოს შეგირდები გოლთა უკეთესი თანაფარდობის წყალობით პირველ ადგილზე არიან. "რეალი" სწორედ ვალენსიაში ჩადის "ღამურებთან"... ოღონდ არა "ვალენსიასთან" სათამაშოდ. 1909 წელს დაარსებული "ლევანტეს" გერბზეც ღამურაა გამოსახული, "სამეფო კლუბიც" სწორდ იმ გუნდს ხვდება, სადაც კარიერა იოჰან კრუიფმა და შოთა არველაძემ დაასრულეს.
სანამ წინასამატჩო პერიპეტიებზე ვიტყვით, სცენას "რეალის" თავკაცს ვუთმობთ,
ვალენსიაში "რეალს" კაკა, ალბიოლი, გარაი, გაგო, კანალესი და პეპე არ წაჰყოლიან. პეპეს გარდა ყველა ტრავმირებულია, პორტუგალიელი კი წინა ტურში გააძევეს და დისკვალიფიკაციის გამო ტოვებს ტურს. ჟოზე მოურინიომ 20-კაციან სიაში "რეალ კასტილიას" ორი მოთამაშე შეიყვანა: მატეოსი და ხუან კარლოსი. "ლევანტეს" შემადგენლობაში ფორვარდ ფელიპე კაისედოს თამაშია საეჭვო. მას მუხლი აქვს დაზიანებული და წინა ტურშიც მხოლოდ ბოლო 8 წუთი ითამაშა. ექტორ როდასი სერიოზულადაა დაშავებული, მიგელ პერესსაც ბოლომდე არ მოურჩენია ტრავმა. ხუანფრანი და ვისენტე იბორაც მალე სრული დატვირთვით შეუდგებიან ვარჯიშს.
სავარაუდო შემადგენლობები
ლევანტე: რეინა - რობუსტე, ბალესტეროსი, დელ ორნო, ნანო - სისკო, ხ. ტორესი, სერხიო, პალიარდო - სუარესი, ხორდა.
რეალი: კასილიასი - არბელოა, ს. რამოსი, კარვალიო, მარსელო - ხედირა, ჩაბი ალონსო, რონალდო, იოზილი - ბენზემა, იგუაინი.
ჩემპიონს კი სერიოზული გამოცდა ელის - "ბარსელონა" "სან მამესს" სტუმრობს. ბილბაოელთა მწვრთნელმა ხოაკინ კაპაროსმა მატჩისწინა პრესკონფერენციაზე ცაში აიყვანა ქებით "ბარსელონა": "მოგება მოგებაა და "ბარსელონას" წინააღმდეგაც მხოლოდ სამ ქულად ფასობს. ამიტომ ჩვენ ისევე უნდა გავიდეთ მოედანზე, როგორც სხვა მეტოქეების წინააღმდეგ. ძალიან რთული ამოცანის წინაშე ვართ, მაგრამ ჩვენ ყველა შანსი უნდა გამოვიყენოთ მოსაგებად. ლიონელ მესის ცქერა ნებისმიერი ფეხბურთის მოყვარულისთვის ერთი სიამოვნებაა, მათ შორის - ჩემთვისაც, თუმცა, რა თქმა უნდა, მირჩევნია, რომ მან ჩემი გუნდის წინააღმდეგ არ ითამაშოს. მესი არ იქნება, მაგრამ "ბარსას" მის გარეშეც ბევრი ვარსკვლავი ჰყავს, განსაკუთრებით კი ჩავი და ინიესტა".
"ბილბაოს" შემტევი გაისკა ტოკერო აკლია. სხვა ყველა ფეხბურთელი კი მწყობრშია და "ბარსელონასთვის" საფეხბურთო ომის გამოცხადებას აპირებს. ფერნანდო ლორენტეს სიახლოვეს (და არა მასთან წყვილში) კი ალბათ შემტევ ნახევარმცველ სუსაეტას ათამაშებენ.
ლეო მესის გარდა მცირე პრობლემები კარლეს პუიოლსა და ჩავის ჰქონდათ, ისინი სატრენაჟორო დარბაზში ინდივიდუალურად ემზადებოდნენ და არა გუნდთან ერთად, თუმცა, ვფიქრობთ, ბასკების წინააღმდეგ მათ აუცილებლად ვიხილავთ.
სავარაუდო შემადგენლობები
ბილბაო: ირაისოსი - ირაოლა, ამორებიეტა, სან ხოსე, აურტენეჩე - ლოპესი, ორბაისი, გურპეგი, ხ. მარტინესი, სუსაეტა - ლორენტე.
ბარსელონა: ვალდესი - დ. ალვეში, პიკე, პუიოლი, მაქსველი - ჩავი, ბუსკეტსი, კეიტა - პედრო, ვილია, ინიესტა.
"ლოს ჩე" ხიხონს ეწვევა, უნაი ემერის კი შემადგენლობაში პრობლემები აქვს, ვერ ითამაშებენ ხოაკინი, მიგელი და ალბელდა. ემერი მათ ჩემპიონთა ლიგის მატჩისთვის შემოინახავს "მანჩესტერ იუნაიტედის" წინააღმდეგ. ბოლოდროინდელი მოვლენების გამო "სპორტინგის" სავარაუდო შემადგენლობის გამოცნობა ურთულესი საქმეა - კარმელოს ტრავმა ისეთი საშიში არ ყოფილა, როგორც თავიდან ეგონათ, თუმცა მისი თამაში "ვალენსიასთან" გამორიცხულია. ინდივიდუალურად ემზადებიან ნაჩო ნოვო და აიოსე.
დაბოლოს, შეგახსენებთ, რომ კვირას "რიასორზე" ხუანმა ლილოს საკითხი გადაწყდება, თუკი "ალმერია" წააგებს "დეპორტივოსთან", ანდალუსიური კლუბი მის ორიგინალურ თავკაცს დაემშვიდობება.
აქვე გაგაცნობთ goal.com-ის მე-4 ტურის რჩეულ ნაკრებს: დავიდ დე ხეა (ატლეტიკო, მეორედ სეზონში) - მიკელ სან ხოსე (ბილბაო), გაბრიელ მილიტო (ბარსელონა), ხავი ვენტა (ლევანტე), დიეგო გოდინი (ატლეტიკო), პაბლო პინილიოსი (რასინგი) - ჩაბი ალონსო (რეალი), ელიზეუ (მალაგა) - კრიშტიანო რონალდო (რეალი), არიც ადურისი (ვალენსია), დავიდ ვილია (ბარსელონა).
2. ვალენსია 4 3 1 0 7-3 10
3. ვილიარეალი 4 3 0 1 7-2 9
4. ბარსელონა 4 3 0 1 6-3 9
5. სევილია 4 2 2 0 7-3 8
6. ატლეტიკო 4 2 1 1 8-4 7
7. ბილბაო 4 2 1 1 7-4 7
8. მალაგა 4 2 0 2 9-8 6
9. ესპანიოლი 4 2 0 2 4-8 6
10. სპორტინგი 4 1 1 2 4-7 4
11. ოსასუნა 4 1 1 2 3-4 4
12. მალიორკა 4 1 1 2 2-5 4
13. ხეტაფე 4 1 1 2 7-8 4
14. რასინგი 4 1 1 2 3-5 4
15. ერკულესი 4 1 1 2 3-3 4
16. სოსიედადი 4 1 1 2 5-7 4
17. დეპორტივო 4 0 3 1 2-3 3
18. ლევანტე 4 1 0 3 4-10 3
19. ალმერია 4 0 2 2 2-4 2
20. სარაგოსა 4 0 2 2 3-7 2
ყოველდღიური სპორტული გაზეთი
"ლელო"
