"ბარსელონას" თავდამსხმელი დავიდ ვილია მოუთმენლად ელის "ბლაუგრანას" მაისურით მოედანზე დაბრუნებას. ესპანელი იძულებული იყო ფეხის მოტეხილობის გამო გასული სეზონის მთელი მეორე ნახევარი გამოეტოვებინა."უქმობის დასრულებამდე ვეღარ ვითმენ. ექიმებთან ყველა ტესტი გავიარე. ახლა ტრავმის შესახებ უნდა დავივიწყო და გუნდთან ერთად ვარჯიში განვაახლო", - განაცხადა ასთურიელმა.
