მადრიდის "რეალის" მთავარმა მწვრთნელმა ჟოზე მოურინიომ ესპანური გაზეთის, El Pais-ის ჟურნალისტს, კარლოს ბოიეროს სასამართლოში უჩივლა. ჟურნალისტი "სამეფო კლუბის" მიმართ კრიტიკული დამოკიდებულებითაა ცნობილი.
ბოიერომ თავის სტატიაში მოურინიოს "პორტუგალიელი ნაცისტი" უწოდა. "მოურინიო ძალიან საშიში ადამიანია, რომელსაც ნებისმიერში ცუდის აღმოჩენის უნარი აქვს", - დაწერა ბოიერომ.
პორტუგალიური პრესის ცნობებით, მოურინიოს წარმომადგენლებმა 27 ივლისს მადრიდის სასამართლოში საჩივარი შეიტანეს.
