გთავაზობთ ინტერვიუს ესპანეთის ნაკრებისა და "რეალის" მცველ ალვარო არბელოასთან. მსოფლიოს ჩემპიონთან საუბარი "სამეფო კლუბის" ოფიციალურ საიტზე გამოქვეყნდა.
- თამაშის რა ასპექტში ესაჭიროება გუნდს გაძლიერება?
- ჯერ კიდევ ბევრი რამ გვაქვს დასახვეწი. გუნდში ყოველთვის არის "ზრდის" რეზერვი, სამუშაოც ბევრია.
- თუმცა "რეალი" ესპანეთსა და ევროპაში ჯერ კიდევ დაუმარცხებელია...
- და ეს ძალიან მნიშვნელოვანია - გუნდი ფორმაში მინიმალური დანაკარგებით შედის. ჩვენი დამარცხება ძნელია და მალე კიდევ უფრო ძნელი იქნება.
- "რეალი" ამ სეზონში ძალიან ბევრ საგოლე მომენტს ანიავებს, ამის გამო გუნდში ხომ
- ვგულშემატკივრობთ ჩვენს ფორვარდებს და მათ გამოც განვიცდით, მაგრამ მთავარია, გუნდმა დაცვაში თამაშს უმატოს, მწვრთნელის იდეები მოედანზე გადმოიტანოს, ამის შემდეგ კი ყველაფერი რიგზე იქნება, რადგან ჩვენ ფანტასტიკური შემტევები გვყავს.
- "დეპორტივოსთან" გოლებს ველოდოთ?
- ვიმედოვნებ, რომ ბევრ გოლს გავიტანთ. როგორც წესი, "სანტიაგო ბერნაბეუზე" უამრავ საგოლე მომენტს ვქმნით.
- თქვენთვის "დეპორთან" თამაში განსაკუთრებული უნდა იყოს...
- რა თქმა უნდა, მე ხომ ერთი სეზონი გალისიაში გავატარე. ყოველთვის მსიამოვნებს "დეპორტივოს" წინააღმდეგ თამაში.
- ლოტინას გუნდიდან ყველაზე მეტად ვის ან რას უფრთხით?
- მეტოქეს ახლა ცუდი დროება აქვს და ძალიან მოინდომებს ჩვენს წინააღმდეგ.
- რას ეტყოდით "რეალის" ფანებს?
- ყოველ კვირას უკეთესი გუნდი ვიქნებით, ვიდრე წინა ტურში. მალე ისინი სახლში ძალიან კმაყოფილები წავლენ. გულშემატკივრებს ვთხოვ, სჯეროდეთ ჩვენი.
- მოურინიოს მოსვლა თუ დაეტყო "რეალს"?
- მოურინიო ძლიერი პიროვნებაა. მან ყოველთვის იცის, რა უნდა ჩვენგან. რაც ის მოვიდა, ტაქტიკურ აზროვნებაში მოვუმატეთ. კარვალიოს მოსვლაც ძალიან წაგვადგა, პორტუგალიელი ძალიან გამოცდილი მცველია.
- "რეალის" სხვა ახალწვეულებს როგორ დაახასიათებთ?
- ხედირა, იოზილი, პედრო ლეონი, დი მარია, კანალესი ძალიან ნიჭიერები არიან და მათ დიდი მომავალი აქვთ.
- ფილმების მოყვარული ხართ და რას დაარქმევდით "ფილმს", მოურინიოს "რეალს"?
- წარმოდგენა არა მაქვს, მაგრამ ამ ფილმს აუცილებლად "ჰეფი ენდი" ექნება.
ყოველდღიური სპორტული გაზეთი
"ლელო"
09:37 01-10-2010
არბელოა: მოითმინეთ და დატკბით, ამ ფილმს ჰეფი ენდი ექნება
AutoSharing Option
მკითხველის კომენტარები / 0 /
მოწონებების მიხედვით
თარიღის მიხედვით
კომენტარი ჯერ არ გაკეთებულა.
გააკეთეთ კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
79.00 k
240.00 k
სიახლეები
პოპულარული
