ესპანეთის ნაკრების მთავარმა მწვრთნელმა ვისენტე დელ ბოსკემ პუერტო რიკოს ნაკრებთან ამხანაგური შეხვედრის მოლოდინზე ისაუბრა."ვეცდებით, ახლანდელი დადებითი შედეგები გავაგრძელოთ და მომდევნო მსოფლიოს ჩემპიონატს საუკეთესო ფორმაში შევხვდეთ. მნიშვნელოვანია, რომ ყოველთვის სამაგალითო ვიყოთ იმ ხალხისთვის, ვინც ჩვენს თამაშებს უყურებს. ვიცით, რომ კარგად უნდა ვითამაშოთ.
ჩვენს მოთამაშეებზე ყოველთვის ვღელავთ. ამიტომ იმედია, ტრავმას არავინ მიიღებს. გვინდა, მსოფლიოს ჩემპიონატისთვის მზადება გამარჯვებით დავიწყოთ", - განაცხადა დელ ბოსკემ.
