მადრიდის "რეალის" ფორვარდი კრიშტიანო რონალდო პროგრესირებას აგრძელებს. სეზონის პირველ 11 მატჩში პორტუგალიელის ანგარიშზე უკვე 14 გოლია, რაც 2 სეზონის წინა ანალოგიურ მაჩვენებელს 4-ით აღემატება. მაშინ მის ანგარიშზე 10 გოლი იყო.
კრიშტიანოს ლა ლიგაში უკვე 8 გოლი აქვს გატანილი, 2 ესპანეთის სუპერთასზე და 4-იც ჩემპიონთა ლიგაში.
დავძენთ, რომ მადრიდში მას სეზონის საწყის 11 მატჩში 9 გოლზე ნაკლები არ გაუტანია, "მანჩესტერ იუნაიტედში" და ლისაბონის სპორტინგში კი მაქსიმუმ 2 გოლს იტანდა.
