ევროპულ პირველობებში სანაკრებო პაუზაა, ეროვნული ნაკრებები მუნდიალის საგზურებისთვის ბრძოლას განაახლებენ. დროა, ლა ლიგის სტატისტიკურ მონაცემებს გავეცნოთ, მით უფრო, რომ ჩემპიონატის თითქმის მეხუთედი გაილია და 20 ოქტომბრამდე არც ერთი მატჩი არ გაიმართება.
გოლები
* 70 შეხვედრაში გავიდა 195 გოლი. მატჩში საშუალოდ 2,79 გოლი, 6 ავტოგოლია. ფორვარდების ანგარიშზე გოლების 61%-ია, ნახევარმცველების - 31%, მცველების - 8%.
* ყველაზე მეტ, 21 თამაშში გავიდა 2 გოლი. შემდეგ მოდის 3 გოლი - 16 თამაშში და 1 გოლი - 14-ში. უგოლოდ მხოლოდ ორი შეხვედრა დასრულდა. ყველაზე
* ყველაზე მეტი გოლი გაიტანა "ბარსელონამ" - 19, შემდეგ მოდიან "ატლეტიკო" - 18 და "რეალი" - 14. მხოლოდ 5 გოლი გაიტანა "სარაგოსამ".
* ყველაზე მეტი პენალტი გაიტანა "ატლეტიკომ" - 4, "რეალმა" - 3.
* სულ ორი გოლი გავიდა საჯარიმო დარტყმით, თითო "ბარსელონამ" და "რაიო ვალეკანომ" გაიტანეს.
* თავით ყველაზე მეტი გოლი "ბეტისმა" და "მალიორკამ" გაიტანეს - 4-4.
* "ატლეტიკოს" 8 ფეხბურთელმა გაიტანა, მაშინ, როცა "სარაგოსას" მხოლოდ ორმა ფეხბურთელმა გამოიჩინა თავი.
* ბომბარდირთა დავაში 8-8 გოლით ლიდერობენ რადამელ ფალკაო (ატლეტიკო), ლიონელ მესი (ბარსელონა) და კრიშტიანო რონალდო (რეალი). ფალკაომ 4 გოლი გაიტანა პენალტით, 1 თავურით და 1 საგოლე პასი გააკეთა; რონალდომ 3 გოლი გაიტანა პენალტით, 1 თავურით, საგოლე პასი არ გაუკეთებია; მესიმ 1 გოლი გაიტანა პენალტით, 1 - საჯარიმო დარტყმით, 3 საგოლე პასი გააკეთა.
* ყველაზე მეტი გოლი თავით "მალიორკას" ფორვარდმა ტომერ ჰემედმა გაიტანა - 3.
ყველაზე მეტი საგოლე პასი ბენიატ ეჩებარიამ (ბეტისი) გააკეთა - 4.
* გოლი+პასი სისტემით ლიონელ მესი ლიდერობს 11 ქულით (8 გოლი+3 პასი).
* ჰეთ თრიკი სეზონში მხოლოდ ორმა შეასრულა - კრიშტიანო რონალდომ და რადამელ ფალკაომ.
* 15-მა ფეხბურთელმა შეასრულა დუბლი, მესიმ 4-ჯერ, რონალდომ 2-ჯერ, სხვებმა თითოჯერ.
* "ბარსას" საშუალოდ 2,71 გოლი გააქვს და 1-ს უშვებს. ყველაზე კარგი დაცვა ჰყავს "მალაგას" - 0,57 გოლი თამაშში.
* სეზონის განმავლობაში ყველაზე ცოტა ხანს აგებდა "ატლეტიკო" - 23 წუთი. საოცარია, მაგრამ ფაქტია - ყველაზე ხშირად მეტოქეებს ანგარიშში "ვალენსია" ჩამორჩებოდა - 250 წუთი.
* ყველაზე ხშირად "ატლეტიკო" იგებდა - 318 წუთი, ყველაზე იშვიათად - "სარაგოსა" - 71.
* 7 ტურიდან ყველაზე უხვგოლიანი მე-6 იყო - 35 გოლი. ყველაზე ცოტა გოლი მე-5 და მე-7 ტურებში გავიდა - 22-22.
* ყველაზე მეტჯერ კარი "მშრალად" "მალაგამ" შეინახა - 4-ჯერ.
ბრძოლისუნარიანობა
* თუ პირველ გოლს გაიტანს, "ატლეტიკო" ჯერჯერობით ყოველთვის იგებს - 5 შემთხვევა.
* მხოლოდ ორმა გუნდმა შეძლო მოგება მას მერე, რაც პირველი გოლი გაუშვა ორჯერ - "ბარსელონამ" და "ლევანტემ".
* აი, "ესპანიოლმა" "მოახერხა" და 4-ჯერ დაწინაურებულმა 2-ჯერ წააგო და 2-ჯერ ფრე ითამაშა.
* როცა "ოსასუნა" პირველი უშვებს გოლს (4 შემთხვევა), ყოველთვის აგებს.
ყველაზე მეტი პენალტი ვერ გამოიყენა "სევილიამ" - 2.
დისციპლინა
* ყველაზე მეტი პენალტი დანიშნეს "რაიო ვალეკანოს" კარში - 5. აქედან 2 გააფუჭეს.
პენალტი ჯერ არ დანიშნულა "რეალის", "ბარსელონას", "ატლეტიკოსა" და "გრანადას" კარში.
* ყველაზე მეტჯერ გააძევეს "ესპანიოლისა" და "ბეტისის" ფეხბურთელები 4-4.
* ყველაზე მეტი ყვითელი ბარათი მიიღეს "ესპანიოლის" ფეხბურთელებმა - 30.
* ყველაზე ცოტა ყვითელი ბარათი მიიღეს "ბარსელონას" ფეხბურთელებმა - 12.
* "ტერმინატორთა" კლასში ლიდერობენ: კასადო (ვალეკანო) და ვაკასო (ესპანიოლი) - თითო გაძევება და 4-4 გაფრთხილება.
* საოცარია, მაგრამ ყველაზე მეტად "სარაგოსას" ეუხეშებიან - 3 გაძევება, 25 გაფრთხილება. ყველაზე კორექტულად ეთამაშებიან "რაიო ვალეკანოს" - 13 გაფრთხილება.
ტაქტიკა და მაყურებელი
* 140 შემთხვევაში (70 მატჩი) სულ 11 ტაქტიკური სქემა გამოიყენეს.
* ყველაზე გავრცელებულია 4-2-3-1 - 93 შემთხვევა; მერე მოდის - 4-3-3 - 15 შემთხვევა (7 ბარსელონა, 3 სევილია) და 4-4-2 - 10 შემთხვევა.
* "ბარსელონას" საშინაო თამაშებზე საშუალოდ 73 726 ადამიანი დადის. შემდეგ მოდის "რეალი" - 71 666 და "ატლეტიკო" - 43 500
* ყველაზე ცოტა მაყურებელი დადის "რაიო ვალეკანოს" საშინაო თამაშებზე - საშუალოდ 9 140 ადამიანი.
* სეზონის რეკორდი "ბარსელონა"-"რეალის" მატჩში დამყარდა - 95 ათასი მაყურებელი.
* ყველაზე ცოტა მაყურებელი ჰყავდა "რაიო ვალეკანო"-"გრანადას" - 7 315 ადამიანი.
ყოველდღიური სპორტული გაზეთი "ლელო"
რა თქმა უნდა რეალს ანუ კრიშტიანო მარიაჟს.
ციფრები მეტყველბს რომ ბარსა ყველაზე ნაკლებ უხეშად თამაშობს.