"ბარსელონას" ნახევარმცველმა ჩავიმ განაცხადა, რომ არ აპირებს გუნდის დატოვებას."ახალ კონტრაქტზე ჯერ არ შევთანხმებულვართ, მაგრამ იმედია, გუნდის ფეხბურთელი კიდევ დიდი ხნის განმავლობაში ვიქნები. ფიზიკურად თავს ძალიან კარგად ვგრძნობ და ძველი ტრავმები ბოლომდე მოშუშებული მაქვს.
მე და "ბარსელონა" ყველაფერს ვაკეთებთ იმისთვის, რომ გუნდში დავრჩე.
ყველაზე მეტად "ბარსელონაში" მსურს კარიერის დასრულება. ერთად რთული პერიოდი გვაქვს გამოვლილი და ვიმედოვნებ, რომ უახლოეს მომავალში ახალ კონტრაქტს გავაფორმებთ", - თქვა ჩავიმ.
შეგახსენებთ, რომ 32 წლის ფეხბურთელის ხელშეკრულების ვადა კლუბთან 2014 წლის ივნისში იწურება.
მომზადებულია Goal.com-ის მიხედვით
