"თითქოს კარგად ვარ, მაგრამ მცირე ტკივილს მაინც ვგრძნობ. ვიმედოვნებ, რომ სულ მალე ბოლომდე გამოვჯანმრთელდები. თავიდან ყველაფერი კარგად მიდიოდა, მაგრამ რაც დრო გადიოდა, კუნთი მეჭიმებოდა და ყრუ ტკივილს ვგრძნობდი. ჩვენი ექიმების მეიმედება, ისინი ბოლომდე ფეხზე დამაყენებენ", -
ყველაზე უიღბლო დებიუტი
"სარაგოსასთან" მატჩში ბილბაოს "ატლეტიკის" შემადგენლობაში დებიუტი ჰქონდა 20 წლის შემტევ იბაი გომესს. ახალგაზრდა ბასკმა ამ შეხვედრაში მუხლის მძიმე ტრავმა მიიღო და გუნდს, სულ მცირე, სამი თვით დააკლდა.
იბაი გომესმა გაისკა ტოკერო შეცვალა და ზუსტად 3 წუთში პასის მიღებისას ტრავმა მიიღო და დაეცა. დებიუტანტი უხერხულად დაეცა ფეხზე და მუხლი დაიზიანა, მან იმ წამსვე ანიშნა ექიმებს, რომ შესაცვლელი იყო. ბასკური კლუბის ოფიციალური საიტის ინფორმაციით, მუხლის ტრავმა დასტურდება, თუმცა იბაი გომესს შემდგომ ტესტებსაც ჩაუტარებენ. გომესმა თავი სარეზერვო გუნდში გამოიჩინა და ლა ლიგაში დებიუტიც დაიმსახურა.
ვალენსიას კიდევ ერთი სატკივარი
"ვალენსიას" 20 წლის ფრანგ ნახევარმცველ სოფიან ფეგულის სამ კვირამდე იძულებითი დასვენება მოუწევს ტრავმის გამო. დაზიანება მან ვარჯიშზე მიიღო და ფეხი ისე გაუსივდა, რომ ორი დღის განმავლობაში ტესტების ჩატარება ვერ შეძლეს. კლუბის ექიმების ვერდიქტით, კუნთი ერთ ადგილზე სანტიმეტრზეა ჩახეული. პლეიმეიქერმა 3 კვირა მაინც უნდა დაისვენოს, რომ კუნთი მთლიანად აღდგეს. ალჟირული წარმოშობის ფეგული "მესტალიაზე" ზაფხულში გამოჩნდა ფრანგული "გრენობლიდან". მან "ღამურებთან" 4-წლიანი კონტრაქტი გააფორმა.
ყოველდღიური სპორტული გაზეთი
"ლელო"
