15 იანვარს, "სამეფო თასის" პირველ მეოთხედფინალურ მატჩში "რეალი" "ვალენსიას" უმასპინძლებს. თუ გავითვალისწინებთ, რომ ჩემპიონატში "სამეფო კლუბს" ძალიან უჭირს, ერთადერთი საშინაო ჯილდოს მოპოვება ჟოზე მოურინიოს გუნდს სწორედ ამ ასპარეზობაში შეუძლია.
ისე დაემთხვა, რომ ეს გუნდები ზედიზედ სამჯერ შეხვდებიან ერთმანეთს - ორჯერ თასზე, ერთხელ - ჩემპიონატში.
მადრიდელებს დისკვალიფიკაციამოხდილი კრიშტიანო რონალდო და ანტონიო ადანი (სკამზე) უბრუნდებათ. სერხიო რამოსს კი ჯერ არ მოუხდია სასჯელი - ის "ვალენსიასთან" დაპირისპირების სამივე შეხვედრას გამოტოვებს.
შესაძლოა, ოქტომბრის მერე პირველად ვიხილოთ მარსელო, რომელმაც მოტეხილი ფეხი მოირჩინა.
"ვალენსიას" კაპიტანი, დავიდ
* "რეალმა" ყველა შეჯიბრში ბოლო 6 მატჩიდან მხოლოდ 2 მოიგო.
* "რეალს" 32 მატჩია, "სანტიაგო ბერნაბეუზე" არ წაუგია.
* "ვალენსიამ" ყველა შეჯიბრში ბოლო 8 მატჩიდან 7 მოიგო.
* "ვალენსიას" "რეალთან" ბოლო 7 დაპირისპირებიდან 5 "ღამურებისთვის" მარცხით დასრულდა.
სავარაუდო შემადგენლობები
რეალი: კასილიასი - არბელოა, ალბიოლი, ვარანი, კოენტრაო - ხედირა, ჩაბი ალონსო - დი მარია, იოზილი, რონალდო - ბენზემა.
ვალენსია: ალვეში - პერეირა, რამი, რ. კოშტა, გუარდადო - ბანეგა, კოსტა - პარეხო, ჟონასი, პიატი - სოლდადო.
სამეფო თასი. 1/4-ფინალის წინ
15 იანვარი
რეალი-ვალენსია 00:00
16 იანვარი
სარაგოსა-სევილია 22:30
ბარსელონა-მალაგა 00:30
17 იანვარი
ატლეტიკო-ბეტისი 01:00
საპასუხო მატჩები 23 იანვარს
ყოველდღიური სპორტული გაზეთი "ლელო"
ასევე იხილეთ:
იკერ კასილიასმა ჟოზე მოურინიოს გული მოიგო
