ესპანეთში დასრულდა თასის პირველი მეოთხედფინალური მატჩები. ერთის თქმა შეგვიძლია - არც ერთ წყვილში არ არის გამოვლენილი ნახევარფინალისტის ვინაობა, თუმცა მადრიდულმა კლუბებმა სერიოზული ჰანდიკაპი მიიღეს. საპასუხო მატჩები 23 და 24 იანვარს გაიმართება. "ატლეტიკო" "ბეტისთან" მატჩში რადამელ ფალკაოს თავურით დაწინაურდა, მერე კი ბრაზილიელმა მცველმა ფილიპე ლუიშმა 2:0 გახადა. აღსანიშნავია, რომ ორივე ეპიზოდში დიდი წვლილი კიდევ ერთ ბრაზილიელს, დიეგო კოშტას მიუძღვის, რომელმაც ჯერ მარჯვენა, მეორე ეპიზოდში კი მარცხენა ფლანგზე თავბრუ დაახვია ანდალუსიელ მცველებს.
30-ე წუთზე ერთ ეპიზოდში 4-ჯერ (!) გადარჩა სასწაულებრივ მასპინძელთა კარი:
თამაშს ესპანეთის ეროვნული ნაკრების თავკაცი ვისენტე დელ ბოსკე ესწრებოდა, რომელიც ბენიატისა და რუბენ კასტროს თამაშს აკვირდებოდა.
დიეგო სიმეონე (ატლეტიკო): "ბეტისი" ძალიან კარგი გუნდია, დინამიკური და სწრაფი. პირველი ტაიმი ისე ვითამაშეთ, როგორც მსურდა - ძალიან კარგად გამოვიყურებოდით. შედეგი კარგია, მაგრამ არა გადამწყვეტი. დიეგო კოშტა გუნდისთვის ძალიან საჭირო ფეხბურთელია. ყველაფერს გავაკეთებ, რომ ეს შემადგენლობა შევინარჩუნო".
პეპე მელი (ბეტისი): "ატლეტიკო" ჩვენზე უკეთ 25 წუთის განმავლობაში თამაშობდა. მატჩის საუკეთესო ფეხბურთელი კი ტიბო კურტუაა, საერთაშორისო ასპარეზზე ერთ-ერთი უძლიერესი მეკარე. ის, რომ თამაში 2:0 დასრულდა "ატლეტიკოს" სასარგებლოდ, პირადად მისი დამსახურებაა".
ასევე იხილეთ:
კოპა დელ რეი: უნაი ემერის წარმატებული დებიუტი "სევილიაში"
