"ბარსელონას" 28 წლის ნახევარმცველი ანდრეს ინიესტა იმედოვნებს, რომ საფეხბურთო კარიერის დასრულება სხვა კლუბში არ მოუხდება. ინიესტა, მიუხედავად იმისა, რომ კატალონიელი არ არის (ანდალუსიელია), "ბარსელონას" აღზრდილია და პირველ გუნდში უკვე 400-ზე მეტი მატჩი აქვს გამართული.
"ჩემი სურვილი, ალბათ, ყველასთვის გასაგები იქნება - მსურს კარიერა აქ დავასრულო, "ბარსელონაში". ერთადერთი, რის გამოც შეიძლება გადაწყვეტილება შევცვალო, ჩემი თამაშის დონეა. თუ ის მკვეთრად გაუარესდება და მივხვდები, რომ "ბარსელონას" დონეს აღარ შევეფერები, მე გუნდიდან წავალ", - განაცხადა ანდრესმა.
ასევე იხილეთ:
ანდრეს ინიესტა წლის საუკეთესო ფლეიმეიქერია
